+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Merkel: Germanııa Qazaqstanmen yntymaqtastyqty nyǵaıtýǵa múddeli

2019 jylǵy 5 jeltoqsan 22:08
Bólisińiz:
Merkel: Germanııa Qazaqstanmen yntymaqtastyqty nyǵaıtýǵa múddeli

BERLIN. QazAqparat – Germanııa Qazaqstanmen yntymaqtastyqty nyǵaıtýǵa múddeli. Bul týraly Qazaqstan Prezıdentimen kelissózder qorytyndysy boıynsha ótken baspasóz máslıhatynda GFR Kantsleri Angela Merkel málim etti, dep habarlaıdy «QazAqparat» HAA tilshisi.

Uqsas jańalyqtar
Dárigerlerge ústemeaqy tóleýge qosymsha 150 mlrd teńge bólinedi - Prezıdent Memleket basshysy Almatynyń «Almaly» demalys aýmaǵyn aralap kórdi Naryqty monopolısterden tazalaý kerek - Qasym-Jomart Toqaev

«Qazaqstannyń Tuńǵysh Prezıdenti Nursultan Nazarbaevpen óte jaqsy ári ashyq qarym-qatynas jolǵa qoıylǵan. Osynaý yntymaqtastyqty jalǵastyrýdy kózdeımiz. Sizdiń Germanııaǵa saparyńyzdan mundaı talap-tilektiń qazaqstandyq tarapta da baryn kórip otyrmyz», - dedi Angela Merkel Q.Toqaevpen birge ótkizgen baspasóz máslıhatynda.

GFR Kantsleri kóptegen mádenı jáne jeke baılanys eki memleket arasyndaǵy jaıly qarym-qatynastyń negizi bolyp otyrǵanyn erekshe atap ótti.

«Germanııada bilim alǵysy keletin qazaqstandyqtardyń jas býynynyń úlken umtylysyn quptaımyz. Bizde Qazaqstannan kelgen myńdaǵan stýdent oqıdy. Biz Qazaqstan Prezıdentimen saıası reformalar týraly, sonymen qatar ekonomıkalyq qarym-qatynastar jaıly keń aýqymda áńgimelestik», - dedi ol.

GFR-dyń statıstıka boıynsha federaldy vedomstvosynyń málimetine sáıkes, ótken jyly eki memleket arasyndaǵy taýar aınalymy 5,9 paıyzǵa artyp, 5,1 mrld eýro kórsetkishine jetken.

Germanııa Kantsleri bıyl «Oıler Germes» eksporttyq-saqtandyrý agenttigi boıynsha máseleniń ońdy sheshilgenin quptady. Onyń aıtýynsha, osynyń arqasynda Qazaqstan Prezıdentiniń Germanııaǵa sapary aıasynda aıtarlyqtaı salmaqty kelisimder paketine qol qoıylady.

A.Merkel germanııalyq bıznes Qazaqstanmen saýda-ekonomıkalyq yntymaqtastyqty bekemdeýge múddeli ekenin ataı otyryp, Germanııa ekonomıka mınıstri kelesi jyly DSU-nyń Mınıstrlik konferentsııasy ótetin ýaqytta Qazaqstanǵa saparlaıtynyn jetkizdi.

Kantslerdiń aıtýynsha, QR Prezıdentimen kelissózder barysynda sý resýrstaryn basqarý, Qytaı men Reseı arasyndaǵy qarym-qatynas, sonymen birge adam quqyǵy máseleleri talqylandy.

«Bizdiń áńgimemiz Germanııa-Qazaqstan qarym-qatynasynyń barlyq salasyn qamtydy. Osynaý qarym-qatynastyń jalǵasyn asyǵa kútemin», - dedi Angela Merkel.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT