+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

«Men qazaqsha sóıleımin» aktsııasynyń jeńimpazdary anyqtaldy

2021 jylǵy 2 shilde 16:54
Bólisińiz:
«Men qazaqsha sóıleımin» aktsııasynyń jeńimpazdary anyqtaldy

NUR-SULTAN. QazAqparat – Búgin respýblıkalyq «Men qazaqsha sóıleımin» aktsııasynyń 9-11 synyp oqýshylary men kolledj stýdentteri arasyndaǵy ІІ kezeńi jeńimpazdaryn marapattaý rásimi ótti, dep habarlaıdy QazAqparat.

Uqsas jańalyqtar
Qazaqkontsert ártisteri Dýshanbede óner kórsetti Almaty vokzalynda temeki shegip, ishimdik ishken 3 adamǵa aıyppul salyndy Almatyda áleýmettik beıimdeý ortalyǵy ashyldy

«Álem halyqtary jahandaný protsesiniń qarqyndy júrýine baılanysty ózderiniń ulttyq rýhanı-mádenı qundylyqtaryn jandandyrý baǵytynda túrli sharalardy júzege asyrýda. «Men qazaqsha sóıleımin» respýblıkalyq aktsııasynyń ózektiligi de osy mindettermen úılesedi. Búgingideı sharalardyń negizinde memlekettik tildiń áleýmettik mártebesin joǵarylatý, memlekettik tildi rýhanı-mádenı qundylyq retinde dáripteý asa mańyzdy» - dedi QR Bilim jáne ǵylym mınıstrligi Til saıasaty komıtetiniń tóraǵasy Ádilbek Qaba.

Onyń aıtýynsha, Qazaqstan Respýblıkasy Táýelsizdiginiń 30 jyldyǵy aıasynda ótkizilgen bul aktsııaǵa 14 ult ókilinen 213 adam qatysyp, qazaqtyń belgili aqyndarynyń týǵan el, týǵan jer taqyrybyndaǵy jyr jaýharlarynan úzindilerdi mánerlep jatqa oqydy. Qatysýshylardyń ishinde orys ultynyń ókilderi basym – 68 qatysýshy. Odan ózge ózbek, túrik, ázerbaıjan aǵaıyndardyń belsendiligi joǵary boldy.

Sharaǵa qatysýshylardyń basym kópshiligi Shymkent qalasy, Jambyl, Aqmola, Qaraǵandy, Pavlodar oblystarynan.

«Shyny kerek, jyl sanap tildiń maıyn tamyzyp, qazaq tilinde naqyshyna keltirip jyr oqıtyn ózge ult ókilderiniń qatary kóbeıip keledi. Ásirese olardyń qazaq tilin úırenýge degen qulshynysy qýantady», dedi Á. Qaba.

Qazylar alqasynyń sheshimine sáıkes, bas júldeni Jambyl oblysynyń ókili Aıana Kım Farıza Ońǵarsynovanyń «Týǵan jer» shyǵarmasyn mánerlep jatqa oqyǵany úshin ıelendi. Al birinshi oryn Sabına Syhýrovaǵa, ekinshi oryn Anora ıÝnýsovaǵa buıyryp, úshinshi oryndy Dılrabo Hıkmattýllaeva men Dmıtrıı Rıabokon jeńip aldy. Yntalandyrý dıplomymen Jambyl oblysynyń sańlaqtary Karına Dakaı, Alına Alıeva, Malıka Beshly-Ogly, Tatıana Zaıtseva, Shymkent qalasynyń turǵyny Sabına Abdýjapbarova, Túrkistan oblysynyń týmalary Dııara Batyralı men Zarına Gýlmamedova, Soltústik Qazaqstan oblysynan Nıkolaı Kaınov pen Roman Jolýdev, Almaty oblysynan Vıktorııa Galýzınskaıa marapattaldy.

Esterińizge sala keteıik, aktsııanyń 5-8 synyp oqýshylary arasynda ótken І kezeńine 22 etnos ókilinen turatyn 326 adam qatysty. Kelesi kezeńder joǵary oqý oryndarynyń stýdentteri men eresek turǵyndar (5 shilde – 5 tamyz aralyǵynda) jáne quqyq qorǵaý, ishki ister organdarynyń qyzmetkerleri arasynda (6 tamyz – 6 qyrkúıek) ótedi.


Bizdiń kanalymyzǵa jazylyńyz:

#Til   #Qoǵam  
Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT