Men áli ózimniń eń myqty soqqymdy jasaǵan joqpyn – Jánibek Álimhanuly
2022 jylǵy 22 mamyr 09:56

Men áli ózimniń eń myqty soqqymdy jasaǵan joqpyn – Jánibek Álimhanuly

NUR-SULTAN. QazAqparat – Jánibek Álimhanuly (12-0, 8 KO) brıtanııalyq Dennı Dıgnýmmen (14-1-1, 8 KO) kezdesýden soń málimdeme jasady, dep habarlaıdy QazAqparat Sports.kz saıtyna silteme jasap.

«Men ózimniń jankúıerlerime kóp alǵys aıtamyn, qoldaý kórsetkenderińiz úshin rahmet! Sizder maǵan qanshalyqty zor qoldaý kórsetilgenin kórdińizder. Alaıda men ózimniń eń myqty soqqymdy kórsetken joqpyn. Ony kelesi kezdesýde tamashalaıtyn bolasyzdar!»,-dedi Jánibek.

Sondaı-aq ol kezdesýden soń Golovkınmen kezdesý týraly saýalǵa da jaýap berdi.

«Golovkın «meksıka stılin» kórsetkisi keletinin aıtatyn. Al sen bizge «qazaq stılin» kórsettiń. Golovkınmen kezdeskiń kelmeı ma ?» - degen saýal qoıdy júrgizýshi Jánibekke.

«Men qashanda álemge «qazaq stıli» qandaı bolatynyn kórsetkim kelgen. Qazaq saltynda jastar úlkenge qarsy shyqpaıdy. Múmkin ol sýper jartylaı salmaqqa kósher, al men orta salmaq dıvızıonyndaǵy barlyq ataqtarymdy jınaıtyn edim»,-dedi Jánibek Álimhanuly.

Aıta keteıik, búgin Jánibek Álimhanuly Nur-Sultan ýaqyty boıynsha tań ata Las-Vegasta brıtanııalyq Dennı Dıgnýmǵa qarsy kezdesý ótkizip, ony ekinshi raýndta nokaýtqa jiberdi. Osylaısha, Jánibek WBO nusqasy boıynsha orta salmaqtaǵy «ýaqytsha» chempıon ataǵyn jeńip aldy.


Jańalyqtar

MURAǴAT