+7 (701) 759 90 19
USD 437.20 EUR 475.32
RUB 5.79 CNY 61.94
Jańalyqtar

Memtapsyrysqa bólingen qarajat ekonomıkamyzǵa jumys isteýi tıis – Darıǵa Nazarbaeva

2020 jylǵy 11 aqpan 18:48
Bólisińiz:
Memtapsyrysqa bólingen qarajat ekonomıkamyzǵa jumys isteýi tıis – Darıǵa Nazarbaeva

NUR-SULTAN. QazAqparat - Qazaqstan Respýblıkasy Parlamenti Senatynyń Tóraǵasy Darıǵa Nazarbaeva parlamenttik tyńdaýǵa daıyndyq barysynda memlekettik qorǵanystyq tapsyrysty ornalastyrý máseleleri boıynsha memlekettik organ ókilderimen kezdesý ótkizdi, dep habarlaıdy QazAqparat joǵary palatanyń baspasóz qyzmetine silteme jasap.

Uqsas jańalyqtar
Mınıstrlik medıatorlardy daıarlaý erejesin qaıta qaraýdy usyndy Qazaqstan men Armenııa arasynda resmı qujattardy tanýdyń ońaılatylǵan tártibi belgilendi Senatta poshta qyzmetterin jeńildetýge arnalǵan qujat qabyldandy

Jıynǵa QR Parlamenti Senatynyń depýtattary, qorǵanys vedomstvolary, ındýstrııa jáne ınfraqurylymdyq damý, ulttyq ekonomıka jáne elimizdiń jeńil ónerkásip salasynyń ókilderi qatysty.

Darıǵa Nazarbaeva elimizde ónim óndirýge barlyq múmkindik baryn alǵa tartty.

«Másele resýrstardyń jetispeýinde, jalpy atalǵan salany damytýdaǵy memlekettik strategııa jetkilikti deńgeıde oılastyrylmaǵan. Sondaı-aq, biz ishki naryqtyń sapasyz ónimderge tolýyna jaıbaraqat qaraımyz», - dedi ol.

«Qaz Textile Industry» dırektorlar keńesiniń tóraǵasy Baýyrjan Jamalov memlekettik qorǵanystyq tapsyrys jáne qorǵanys kúshi qurylymynyń satyp alý salasyndaǵy júıelengen problemalar týraly aıtty.

«Tapsyrys berýshiler ónimdi óndirýge jumsalatyn ýaqytty eseptemeı, ony az ýaqytta jetkizý talabyn qoıady. Shıkizattan daıyn ónim shyǵarý ýaqytyn eskermeıdi», - deıdi ol.

Sondaı-aq, otyrysqa qatysýshylar memlekettik qorǵanystyq tapsyrys alýshylardyń tehnıkalyq erekshelik quramyndaǵy máselelerdi talqyǵa saldy. Jeńil ónerkásip ókilderi tehnıkalyq talaptardyń kórsetilýi tıistigin jáne ony tapsyrys bergen soń ózgertpeý kerektigin aıryqsha aıtyp ótti. Odan bólek, shıkizat boıynsha da kezek kúttirmes máseleler tur.

«Memlekettik qorǵanys tapsyrysyna qatysty zańnama otandyq óndirilgen shıkizatty qoldanýdy mindettemeıdi», - dedi B. Jamalov.

Senat basshysynyń aıtýynsha, memlekettik organdardyń jeńil ónerkásip salasy boıynsha satyp alýǵa jumsalatyn bıýdjet qarajaty problemasyn keńinen qaraý mańyzdy. «Memlekettik tapsyrys týraly habarlandyrý jarııalap, ony arzan baǵamen satyp alýmen shektelip, ishki vedomstvolyq suraqtardy ǵana sheship qoımaý qajet. Memlekettik tapsyrysqa bólingen qarajat, bizdiń ekonomıkamyzǵa, óz kásipkerlerimizdiń aıaǵyna tik turýyna jumys isteýi tıis. ıAǵnı jańa jumys oryndaryn ashyp, otandyq ónimderdiń jandanýyna yqpal etýi qajet. Qazirgi naryqtaǵy otandyq taýarlardyń sapasy óte jaqsy. Bizdiń mamandar eshkimnen kem emes, óz isteriniń sheberi», - dedi D. Nazarbaeva.


Sonymen qatar, jeńil ónerkásip salasynyń ókilderi qazaqstandyq áskerı qorǵanys kúshi qurylymdarynyń kóbinese ımporttyq matadan tigilgen ónimderdi tańdaıtynyn málim etti.

Óz kezeginde D. Nazarbaeva qorǵanys jáne ásker salasyn azyq-túlik jáne basqa da qajetti buıymdarmen tek otandyq óndirýshilerdiń qamtamasyz etý kerektigin erekshe aıtyp ótti. «Bul ulttyq qaýipsizdiktiń ajyramas bóligi. Ulttyq qaýipsizdik strategııasy – ol óz azamattarymyzdy otandyq ónimmen qamtamasyz etý. Ol úshin bizde barlyq qajetti adamı, materıaldyq jáne qarjylyq resýrstar bar. Ázirge ár mekemeniń qyzyǵýshylyǵy ártúrli bolyp otyr», - deıdi ol.

Senat Tóraǵasy jeńil ónerkásip óndirýshilerine kúrdelengen máselelerdi sheshý maqsatynda Úkimetpen birlesip, sala standarty men metodologııasyn retteýdi usyndy.

Kezdesýdi qorytyndylaı kele, Parlament Senatynyń Tóraǵasy Ekonomıkalyq saıasat, ınnovatsııalyq damý jáne kásipkerlik komıtetine jıynda kóterilgen máselelerdi zerttep, Parlamenttik tyńdaýǵa ázirleýdi tapsyrdy.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT