+7 (701) 759 90 19
USD 432.23 EUR 506.79
RUB 5.45 CNY 64.44
Jańalyqtar

Memlekettik jáne kvazımemlekettik organdarda kásibı deńgeıi joǵary mamandy qaldyrý kerek - Sárpekov

2020 jylǵy 3 qyrkúıek 09:52
Bólisińiz:
Memlekettik jáne kvazımemlekettik organdarda kásibı deńgeıi joǵary mamandy qaldyrý kerek - Sárpekov

NUR-SULTAN. QazAqparat - Memlekettik jáne kvazımemlekettik organdardyń paıdasyz qyzmetkerlerin qysqartyp, kásibı deńgeıi joǵary, jemqorlyqqa qarsy tura alatyn mamandardy qaldyryp, olardyń eńbek aqysyn eselep ósirý máselesin sheshetin ýaqyt jetti. Qazaqstan Respýblıkasy Zańnama jáne quqyqtyq aqparat ınstıtýtynyń dırektory Ramazan Sárpekov Prezıdent Joldaýy týraly osyndaı pikir aıtty, dep habarlaıdy QazAqparat.

«Konstıtýtsııanyń ókilettiginiń negizinde Qazaqstan Respýblıkasynyń Prezıdenti – memleket basshysy, memlekettiń ishki jáne syrtqy saıasatynyń negizgi baǵyttaryn aıqyndaıtyn Qazaqstan halqyna jyl saıyn Joldaý arnaıdy. Bul mańyzdy qujatty kúrdelenip, atqarýda kezek kúttirmeıtin ózekti máselelerge basa nazar aýdarylyp jáne olardyń sheshý joldaryn kórsetip, Parlamentke, Úkimetke, ortalyq atqarý organdary men sot jáne quqyq qorǵaý júıesiniń laýazymdy tulǵalaryna naqtyly tapsyrmalar júkteledi. Memleket basshysynyń halyqqa úndegen Joldaýynyń iske asýy mindetti ekendigin halyq jete túsinip, úlken úmitpen kútetini belgili», - dedi Ramazan Sárpekov..

Onyń aıtýynsha, bıylǵy jyly Joldaýdyń orny tipten de erekshe.

«Tórtkúl dúnıe beıbit ómirge tosynnan engen COVID-19 (pandemııa) kesirinen buryn-sońdy bolmaǵan aýyr kezeńdi bastan ótkizýde. Keseldiń kúrdeli bolǵany sonshama, kóptegen memleketter áli de onyń qursaýynan tolyq shyǵyp úlgergen joq. Ony joıý jolynda barlyq múmkindikterin paıdalanyp, áli de belsendi qarsy kúres júrgizýde. Bul tosynnan kelgen kesel bizdiń el-jurtqa da eleýli zalalyn tıgizdi.Odan tek azamattardyń densaýlyǵy men ómirine aýyrtpalyq túsirip qana qoımaı, myńdaǵan shaǵyn, orta, iri kásipkerlik, óndiris oryndary men aýylsharýashylyq salasy, bilim men densaýlyq júıesi erekshe aýyrtpalyq sezip otyr. Tabys tómendedi, jeke bastaryndaǵy áleýmettik jáne qarjylyq máseleleri kúrdelenip ketti», - dedi Ramazan Sárpekov.

Professordyń aıtýynsha, osyndaı jaǵdaıdan árkim óz betinshe shyǵý jaǵdaıyn qarastyryp júrgen sátte, Memleket basshysynyń halyqqa arnaǵan bul Joldaýy árkimniń bolashaqqa degen senimine kúsh-qaırat qosatyn der kezinde jarııa kórgen óte qundy tarıhı qujat bolǵan.

«Árıne, tótenshe jaǵdaı men karantın jarııalanǵan sátten bastap Úkimet tarapynan halyqqa kómek kórsetý jumystary belsendi júrgizilýde. Bılik pen halyqtyń túsiniginiń arqasynda bizdiń memleket bul keseldiń betin qaıtaryp, tıimdi is-sharalardy bekitip úlgerdi. Qalaı bolǵanda da «saqtyqta qorlyq joq» demekshi, bárine daıyn bolǵanymyz abzal. Osy baǵytta Joldaýdyń máni de erekshe. Ásirese, ósip-óný jolynda Ult jospary men Bes ınstıtýtsıonaldyq reformany negizgi baǵyt-baǵdar etip, el-jurttyń dáýletti ómir súrýine múmkindik jasap, olardyń konstıtýtsııalyq quqyqtaryn qorǵaýǵa, zań ústemdigin qamtamasyz etýge, sybaılas jemqorlyqqa qarsy birigip kúres júrgizýge jumys qarqyndaıtyny aıtyldy», - dedi Ramazan Sárpekov..

Professor Strategııalyq josparlaý jáne reforma agenttiginiń qurylýyna mol senimmen qaraıdy. Ol el múddesine qabyldanatyn mańyzdy is—sharalar men qujattardy aıqyndaıtyn jáne qajetti reformalarmen aınalysatyn bolady.

«Memlekettik jáne kvazımemlekettik organdardyń paıdasyz qyzmetkerlerin qysqartyp, kásibı deńgeıi joǵary, adamgershiligi mol, adal jáne jemqorlyqqa qarsy tura alatyn mamandardy qaldyryp, olardyń eńbek aqysyn eselep ósirý máselesin sheshetin ýaqyt jetti.

Joldaýda aýylsharýashylyǵyn damytyp, otandyq ónimderdiń básekege qabiletti bolýyn arttyrýǵa berilgen tapsyrmalar óte oryndy. Jermen aınalysatyn, mal men jemis-jıdek ósiretin kásip ıelerine uzaq merzimge beriletin arzan nesıe berý máselesi, jınaǵan ónimderin laıyqty baǵamen ótkizip-satý jaǵdaıy sheshimin tapsa nur ústine nur bolar edi.

Sonymen qatar Joldaýda ekologııa máselesi, ásirese, tabıǵatty qorǵaý jumystaryna jas jetkinshekterdi tartýǵa baǵyttalǵan tapsyrma búgingi kúnniń ózekti máselesiniń biri», - dedi Ramazan Sárpekov..

Professor azamattardyń quqyqtaryn qorǵaý organdary men sot júıesine talapty kúsheıtý tapsyrmasy iske assa, azamattardy áýreshilikke túspeı, ádildikke zań júzinde qol jetkizetin bolsa, memleketke jáne zańǵa degen senim artatyny sózsiz deıdi.


Foto: zqai.kz


Bizdiń kanalymyzǵa jazylyńyz:

Bólisińiz:

Avtor:

Balnur Qojageldi

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT