Memlekettik satyp alýdy rásimdeý 30 kúnge deıin qysqarady
2022 jylǵy 20 mamyr 14:45

Memlekettik satyp alýdy rásimdeý 30 kúnge deıin qysqarady

NUR-SULTAN. QazAqparat – Bıyl 1 shildeden bastap memlekettik satyp alý salasynda jańa tásil iske qosylady. Bul týraly QR Qarjy vıtse-mınıstri Dáýren Keńbeıil málim etti, dep habarlaıdy QazAqparat tilshisi.

«Satyp alýdy ýaqtyly ótkizý maqsatynda onyń aldyn ala josparyn qurý jaǵy qaralyp jatyr. Bıyl bıýdjettik komıssııa maquldaǵan ótinim negizinde satyp alýlar ótkizýge jáne bıýdjettiń bekitilýin kútpeı-aq kelesi jylǵa sharttar jasasýǵa múmkindik beredi. Sondaı-aq, konkýrs ótkizý týraly habarlandyrýdy aldyn ala jarııalaý múmkindigi qarastyrylýda. Atalǵan shara ótinimderdi qabyldaý merzimin 15 kúnnen 7 kúnge deıin qysqartady. Memlekettik satyp alý rásimin jeńildete túsý maqsatynda bıyl 1 shildeden bastap negizdemelik kelisimderdi paıdalana otyryp, konkýrs arqyly satyp alýdyń jańa tásili engiziledi. Bul satyp alý rásimderin 30 kúnge deıin qysqartýǵa múmkindik beredi», - dedi Dáýren Keńbeıil OKQ-de ótken brıfıngte.

Onyń aıtýynsha, qazir atalǵan protsestiń ortasha uzaqtyǵy 2 aı.

«Memlekettik satyp alýdyń jańa tásil keńse taýarlary, janar-jaǵarmaı, baılanys qyzmetteri, standartty (tıptik) taýarlardy satyp alý boıynsha paıdalanylady. Bul jerde kelisim jasalmas buryn belgilengen talaptarǵa sáıkes keletin áleýetti mekemelerge erekshe mán beriledi. ıAǵnı naryqta ózin jaqsy jaǵynan kórsetken kompanııalar suranys ıe bolady degen sóz. Ekinshi kezeńde tapsyrys berýshiler mundaı ónim berýshilerge taýarlardy, jumystardy, kórsetiletin qyzmetterdi satyp alýǵa ótinimder jiberedi. Shart eń jaqsy usynys jasaǵan jetkizýshi kompanııalarmen jasalady», - deıdi ol.

Buǵan deıin mınıstrdiń orynbasary jyl sońyna deıin memlekettik satyp alýdy bir kózden júzege asyrý 20%-ǵa qysqaratynyn aıtty.


Uqsas jańalyqtar

Jańalyqtar

MURAǴAT