+7 (701) 759 90 19
USD 432.23 EUR 506.79
RUB 5.45 CNY 64.44
Jańalyqtar

Memlekettik satyp alýdy baqylaýdyń arqasynda 2,8 mlrd teńge únemdeldi

2020 jylǵy 8 maýsym 13:00
Bólisińiz:
Memlekettik satyp alýdy baqylaýdyń arqasynda 2,8 mlrd teńge únemdeldi

NUR-SULTAN. QazAqparat – Qazaqstanda memlekettik satyp alýdy veb-portal arqyly baqylaýdyń arqasynda 2,8 mlrd teńge únemdeldi. Bul týraly «Atameken» ulttyq kásipkerler palatasy basqarma tóraǵasynyń orynbasary Erbol Óstemirov málim etti, dep habarlaıdy QazAqparat tilshisi.

Sybaılas jemqorlyqqa qarsy is-qımyl agenttigi men «Atameken» UKP jemqorlyqqa qarsy birlese kúresý jumysynyń nátıjesi týraly aıta otyryp, palata ókili byltyr memlekettik satyp alý boıynsha veb-portaldyń iske qosylǵanyn eske saldy. Ol Samuryq-Qazyna, Báıterek pen Qazagronyń memlekettik alýyn biriktiredi. Bul portal baǵa dınamıkasyn baqylaýǵa múmkindik beredi. Júıe belgili bir aımaqtaǵy negizsiz satyp alýdy anyqtaıdy.

«Eger taýardyń eń tómengi baǵasy 100 myń teńge bolsa, memlekettik organ ony 150-200 myń teńgege satyp alsa – júıe qatelikke jol bergenin kórsetip beredi», - dedi Erbol Óstemirov agenttiktiń Facebook paraqshasynda bergen suhbatynda.

Onyń aıtýynsha, Sybaılas jemqorlyqqa qarsy is-qımyl agenttigi mundaı jaǵdaıda birden áreket etedi.

«Agenttiktiń ókilderi bul júıege kirip, kórýge jáne málimetti suratýǵa quqyly. Eger oryndy sebep aıtylmasa, ol memlekettik satyp alý zertteledi. Osynyń arqasynda satyp alý jospary túzetilip, 2 mlrd 800 mln teńge únemdeldi», - dedi ol.

Eske sala ketsek, buǵan deıin Erbol Óstemirov memlekettik satyp alý baǵalaryn ósirýde aldyńǵy oryndaǵy óńirlerdi ataǵan bolatyn.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT