Memlekettik satyp alý zańynyń talaptaryn buzǵan aýrýhana dırektoryna aıyppul salyndy
2022 jylǵy 19 mamyr 14:04

Memlekettik satyp alý zańynyń talaptaryn buzǵan aýrýhana dırektoryna aıyppul salyndy

ATYRAÝ. QazAqparat – Atyraý oblysynda aýrýhana dırektoryna ákimshilik aıyppul salyndy, dep habarlaıdy QazAqparat.

Mahambet aýdanynyń prokýratýrasy júrgizgen taldaý nátıjesimen aýrýhana dırektorynyń zań buzýshylyǵy anyqtalyp otyr.

Aýdandyq aýrýhana dırektory memlekettik satyp alý týraly sharttar boıynsha qabyldaǵan mindettemelerin oryndamaǵan 3 ónim berýshini memlekettik satyp alýǵa josyqsyz qatysýshy dep taný týraly aryzben sotqa júginbegen.

«Osyǵan baılanysty Atyraý oblysy boıynsha memlekettik ishki aýdıt departamentine zań buzýshylyqty joıý týraly usyný engizildi. Osyndaı buzýshylyqqa jol bergen aýdandyq aýrýhananyń dırektory QR Ákimshilik quqyqbuzýshylyq týraly kodeksiniń 207-babymen ákimshilik jaýapqa tartyldy. Dırektorǵa memlekettik satyp alý týraly zańnama talaptaryn buzǵany úshin 136 myń 835 teńge kóleminde ákimshilik aıyppul salyndy», -deıdi Mahambet aýdanynyń prokýrory Baǵytjan Qalıev.

Sondaı-aq, atalǵan aýrýhanada tegin negizde ótýge tıis sanattarǵa jatpaıtyn 84 adamdy COVID-19 koronavırýs ınfektsııasyna qarsy PTR tekserýden ótkizilgen. Sóıtip, 414 myń 251 teńgeniń negizsiz jumsalǵany anyqtalǵan. Oblystyq densaýlyq saqtaý basqarmasyna buzýshylyqty joıý týraly usyný berilip, qarajat bıýdjetke qaıtarylyp otyr.

Eske sala ketelik, buǵan deıin atyraýlyq alaıaq 97 adamnyń atynan kredıt alǵanyn jazǵan bolatynbyz.


Uqsas jańalyqtar
Avtor:
Tilshi

Jańalyqtar

MURAǴAT