Memlekettik qyzmetterdiń 93% onlaın túrde qoljetimdi – Baǵdat Mýsın
2022 jylǵy 28 maýsym 09:30

Memlekettik qyzmetterdiń 93% onlaın túrde qoljetimdi – Baǵdat Mýsın

NUR-SULTAN. QazAqparat – Qazaqstanda adamı faktorsyz qurylatyn elektrondy memlekettik qyzmetter sanyn arttyrý kerek. Bul týraly QR Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın aıtty, dep habarlaıdy QazAqparat tilshisi.

«Bızness protsessterdiń reınjınırıngi negizinde memlekettik qyzmetterdi jetildirýge, atap aıtqanda olardyń jańa tizimin qalyptastyrýǵa múmkindik berdi. Nátıjesinde, qyzmet túrleriniń sany 1300-den asyp ketti. Máselen, «jyljymaıtyn múlikti tirkeý» qyzmeti is júzinde 26 túrli qyzmetten turady. Osyǵan baılanysty, Álıhan Ashanuly, memlekettik organdarǵa jyl sońyna deıin memlekettik qyzmetter tizimin odan ári keńeıtý týraly tapsyrma berýińizdi suraımyn», - dedi B. Mýsın Úkimettiń búgingi otyrysynda.

Mınıstrdiń aıtýynsha, búginde memlekettik qyzmetterdiń 93%-y onlaın túrde qoljetimdi, biraq keıbir memlekettik organdarǵa bul jumysty áli de jetildirý qajet.

«Osy jańa bastama negizinde avtomattandyrýdyń jetildirilgen metrıkasyn engizýdemiz. Bul proaktıvti jáne tolyq avtomattandyrylǵan qyzmetter sanyn, ıaǵnı adamı faktorsyz qurylatyn qyzmetter 6% paıyzdy quraıtynyn kórsetti. Aıtalyq, Eńbek jáne halyqty áleýmettik qorǵaý mınıstrligi mańyzdy áleýmettik qyzmetterdi proaktıvti formatqa ótkizýde aýqymdy jumys júrgizedi. Bul qyzmetter halyq arasynda óte jaqsy baǵalanýda. Proaktıvti qyzmetterdi engizý jumysyn basqa da memorgandarǵa jandandyrý qajet. Máselen, mınıstrlik júrgizgen taldaý memlekettik qyzmetterdiń basym bóligi, ıaǵnı adamı faktormen qurylatyn qyzmetter sany shamamen 85 paıyz ekenin kórsetti. Bul – óte úlken kórsetkish», - dedi Tsıfrlyq damý mınıstri.

Sol sebepti B. Mýsın memlekettik organdardyń adamı faktorsyz qurylatyn elektrondy qyzmetter sanyn arttyrýǵa belsendi atsalysýy qajettigin aıtty.

«Osy oraıda, Álıhan Ashanuly, memorgandar ózderiniń bıznes protsesterin qaıta qarap, tolyq avtomattandyrylǵan elektrondyq qyzmetter túrin 50 paıyzǵa jetkizýi qajet», - dedi Baǵdat Mýsın.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT