+7 (701) 759 90 19
USD 377.19 EUR 408.99
RUB 5.93 CNY 54.02
Jańalyqtar

Memlekettik qyzmette elge kóbirek paıdam tıse deımin – kadr rezervine engen jas kásipker

2020 jylǵy 16 qańtar 11:54
Bólisińiz:
Memlekettik qyzmette elge kóbirek paıdam tıse deımin – kadr rezervine engen jas kásipker

NUR-SULTAN. QazAqparat – Prezıdenttiń kadr rezervine engen elordalyq jas kásipker Bekjan Álimqulov ne úshin memlekettik qyzmette eńbek etýge nıetti ekenin aıtyp berdi, dep habarlaıdy QazAqparat tilshisi.

«4-5 jyldan beri óz kásibimdi dóńgeletip kelemin. Odan buryn iri kompanııalarda zańger bolyp jumys istedim. Elordada beton óndiretin zaýyttyń basshysymyn. Nur-Sultanda tóselgen 200 myń sharshy metrden astam tas tósenish bizdiń zaýyttan shyqqan. Osy ýaqytqa deıin memleketke 40 mln teńgeden astam salyq tólep úlgerdik», - deıdi jas kásipker.

Kásibin násip etken Bekjan Álimqulovtyń Prezıdenttiń kadr rezervine tapsyrýynyń óz sebebi bar eken. «Kásipkermin» dep ózin tar sheńberge qamaǵysy kelmeıtin kórinedi.

«Kásipkerlikke qaraǵanda memlekettik qyzmette halyqqa kóbirek paıdam tıer bolsa, nege eńbek etpeske? Belsendi bolǵym keledi. Sol sebepti Prezıdentimiz saılaýaldy baǵdarlamasynda «eń aldymen jastardy úlken laýazymdarǵa tartý kerek» degennen keıin osy jobaǵa keldim. Álbette, áý basta 300 azamattyń irikteletinin estip, ózimniń sol qatarda bolatynyma nyq senimdi boldym. Alaıda kadrlyq rezervke 13 myń adamnyń tapsyrǵanyn estigende úmitim úzile bastaǵan edi. Aqyry, synnan súrinbeı ótkenimdi estip, qýandym», - deıdi ol.


Jas kásipker qazirgi ýaqytta ártúrli memlekettik organnan usynys túsip jatqanyn aıtady. Ázirge tehnıkalyq ta, gýmanıtarlyq ta bilimi bar (Almatydaǵy Súleımen Demırel atyndaǵy ýnıversıtettiń «aqparattyq júıeler» mamandyǵy men Nur-Sultandaǵy L.Gýmılev atyndaǵy EUÝ «zańger» mamandyǵy) Bekjan usynystardyń bárin saralap kórmek.

«Estýimshe, kadrlyq rezervke ótkenderdiń ishinde 55 adam qazirdiń ózinde qyzmetke ornalasqan. Qatarlastarym úshin qýanyshtymyn. Sebebi, olar úshin bul – progress, shyn máninde áleýmettik lıft. Keleshekte Qazaqstannyń óndiris salasyna qatysty nemese kásipkerlerge kómektese alatyn, aǵylshynsha aıtqanda «design maker» sıpatyndaǵy, ıaǵnı ózgeris engize alatyn qyzmet tıip jatsa, qýana qabyldaımyn», - deıdi ol.

Eske sala ketsek, keshe Aqordada Memleket basshysy Qasym-Jomart Toqaev Prezıdenttiń kadr rezervine engen 300 jaspen kezdesý ótkizgen bolatyn. Jıynda Qasym-Jomart Toqaev el jastaryna úndeý joldady.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT