+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Memlekettik qyzmetshilerdiń ortasha jasy qaı deńgeıde

2020 jylǵy 23 maýsym 16:34
Bólisińiz:
Memlekettik qyzmetshilerdiń ortasha jasy qaı deńgeıde

NUR-SULTAN. QazAqparat – Elimizde memlekettik qyzmetshiler kásibı merekesin atap ótýde. Memlekettik organdarǵa óz fýnktsııalaryn sapaly oryndaý, tıimdi qyzmet kórsetý, memlekettik damý baǵdarlamalaryn júzege asyrý jáne basqa da mańyzdy mindetter júktelgen. QR Memlekettik qyzmet isteri agenttiginiń tóraǵasy Anar Jaıylǵanova Covid-19 pandemııasynyń jaǵdaıynda, memlekettik qyzmetshilerge halyq ómiriniń barlyq salalarynyń úzdiksiz jumys isteýin qamtamasyz etý úshin úlken jaýapkershilik júktelgenin atap ótti.

«Osy qıyn kezeńde sizderdiń kúndelikti júıeli jáne úılesimdi qyzmetterińizdiń arqasynda memlekettik apparattyń tolyqqandy jumys isteýi qamtamasyz etilýde. Sizderdiń kúsh-jigerlerińiz aldaǵy ýaqytta da Qazaqstannyń memlekettiligin damytýǵa, demokratııany, eldiń ekonomıkalyq damýyn jáne halyqtyń ál-aýqatynyń ósýin qamtamasyz etýge baǵyttalatynyna senemin. Sizderge eldiń ıgiligi jolynda atqaryp jatqan qyzmetterińiz úshin alǵys bildiremin!», - dedi agenttik basshysy memlekettik qyzmetshilerge arnaǵan quttyqtaýynda.

Atap aıtqanda, búginde memlekettik qyzmette 89 myń adam jumys isteıdi, onyń 42 myńnan astamy óńirlerde eńbek etýde. Barlyq memlekettik qyzmetkerlerdiń jartysynan astamy – áıelder.

«Jyldan jylǵa jastardyń memlekettik qyzmetke degen qyzyǵýshylyǵy artyp keledi. Búginde elimizde 20 myńnan astam jas memlekettik qyzmetkerler bar, onyń ishinde 1500-den astamy túrli basshylyq laýazymdarda jumys isteıdi. Memleket basshysy Qasym-Jomart Kemeluly Toqaev jastardy memlekettik qyzmetke tartý máselelerine erekshe kóńil bólýde. Ótken jyly Agenttik Memleket basshysynyń tapsyrmasy boıynsha iske asyrǵan aýqymdy jobalardyń biri Prezıdenttik jastar kadr rezervin qalyptastyrý boldy. Qazaqstanda alǵash ret ótkizilgen irikteý formaty elimizdiń barlyq óńirlerinen jáne odan tys jerlerdegi jas azamattardyń edáýir bóligin tartty. Jas, bilikti jáne jigerli basqarýshylar pýly quryldy. Búgingi kúni 142 rezervshi memlekettik qyzmet jáne kvazımemlekettik sektorda jaýapty qyzmetterde jumys isteıdi», - dedi A. Jaıylǵanova.

Shynymen de, memlekettik qyzmetshilerdi daıarlaý, qaıta daıarlaý jáne biliktiligin arttyrý júıesi qyzmetshilerdi kásibılendirýdiń ajyramas bóligi bolyp sanalady. Jyl saıyn 24 myńǵa jýyq memlekettik qyzmetshi biliktiligin arttyrý men qaıta daıarlaýdan ótedi. Osy oraıda memlekettik qyzmetshilerdiń sapalyq quramy arttyryldy, merıtokratııa jáne kadrlyq turaqtylyq qaǵıdatyn saqtaý kórsetkishteri jaqsardy. 2020 jyldyń qorytyndysy boıynsha sheteldik bilimi bar memlekettik qyzmetshilerdiń úlesi 15 paıyzǵa ósti (2 790 adamdy qamtydy).

«Ótken jyly ishki konkýrstardyń nátıjeleri boıynsha 7 myńnan astam memlekettik qyzmetshi mansaptyq turǵyda ilgeriledi, bul ishki konkýrstardyń qorytyndylary boıynsha taǵaıyndalǵandardyń jalpy sanynan 55 paıyzdy. Memlekettik qyzmetshiniń jumysy adamnan bilimdilikti, jan-jaqtylyqty, jaýapkershilik pen tózimdilikti qajet etedi. Halyqqa qyzmet etý – qurmetti mamandyq. Sizderdiń árqaısylaryńyz eldi damytýǵa baǵyttalǵan memlekettik baǵdarlamalardy jáne aýqymdy reformalady júzege asyrýǵa eleýli úles qosyp kelesizder», - dedi Anar Jaıylǵanova.

Memqyzmette áıelderdiń úlesi 56 paıyz

QR Memlekettik qyzmet isteri agenttiginiń resmı ókili Erhan Tatkenniń atap ótýinshe, memlekettik qyzmette 89 myń adam jumys isteıdi. Osy oraıda memqyzmetshilerdiń ortasha jasy 39 jas shamasynda eken.

EYDU sarapshylarynyń pikirine qaraǵanda, Qazaqstan kóptegen ozyq eldermen salystyrǵanda jasqa baılanysty toptar teń usynylǵandyqtan, adamı kapıtaldyń «qartaıýy» sııaqty problemalarǵa kezikpedi.

«Memlekettik qyzmetkerler arasyndaǵy áıelderdiń úlesi 56 paıyz. Memlekettik organdardaǵy basshylyq laýazymdardyń jalpy sanynan olar 40 paıyzdy qurady», - dedi resmı ókil.

Jalpy, buǵan deıin Qazaqstandaǵy memqyzmetshilerdiń arasynda kadrlardyń turaqtamaýy taqyryby kóp qozǵalatyn. Osy oraıda agenttik tarapynan bul máseleni sheshý úshin tıisti qadamdar jasaldy. Bul turǵyda sońǵy birneshe jylda kadrlardyń ketýiniń ındıkatory 6 paıyz shamasynda jáne birtindep azaıý úrdisi bar. Statıstıka boıynsha bul kórsetkish jyly 6,3 paıyz, 2017 jyly – 6,2 paıyz, 2018 jyly – 6,2 paıyz, 2019 jyly 6 paıyz deńgeıinde boldy.

Erhan Tatkenniń sózine qaraǵanda, mansaptyq modeldi iske asyrǵan sátten bastap ishki konkýrstar ınstıtýty arqyly laýazymyn joǵarlatqan qyzmetshilerdiń sany 5,5 ese artty (1 348-den 7 343-ke deıin), bul memlekettik apparattyń sabaqtastyǵyn qamtamasyz etti.

Qabyldanǵan sharalar qyzmette tek jeke tájirıbe men eńbeginiń nátıjesi boıynsha jyljý múmkindigi týraly jalpy senimdi nyǵaıtty.

2019 jyly júrgizilgen táýelsiz áleýmettik zertteý nátıjelerine sáıkes, respondentterdiń 74 paıyzy irikteý rásimin obektıvti jáne transparentti dep sanaıdy.

Kadrlyq rezervke irikteý salasyna toqtalsaq, qazirgi kezde rezervshilerdiń jalpy (300) sanynan 142 rezervshi (47,3 %) memlekettik organdar men kvazımemlekettik sektordaǵy ár túrli laýazymdarǵa ornalastyryldy. Rezervshiler oblystardyń, qalalardyń ákimderi orynbasarlarynyń, jaýapty hatshylar, aýdan ákimderi men olardyń orynbasarlarynyń, basqarmalardyń jáne bólimderdiń basshylarynyń, bas ınpektorlardyń, sondaı-aq baǵynysty uıymdar men kvazımemlekettik sektordyń basshy laýazymdaryna taǵaıyndaldy.



Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT