+7 (701) 759 90 19
USD 432.64 EUR 505.02
RUB 5.47 CNY 64.7
Jańalyqtar

Memlekettik qyzmetke ornalasý tártibi ózgerdi

2020 jylǵy 28 shilde 13:56
Bólisińiz:
Memlekettik qyzmetke ornalasý tártibi ózgerdi

NUR-SULTAN. QazAqparat – Qazaqstanda memlekettik qyzmetke ornalasý boıynsha konkýrs endi 2 kezeńmen ótkiziledi. Bul týraly QazAqparat Memlekettik qyzmet isteri agenttiginiń baspasóz qyzmetine silteme jasap habarlaıdy.

Uqsas jańalyqtar
Muhtar Tileýberdi QR Prezıdentiniń keńesshisi Ser Sýma Chakrabartımen kezdesti

Memleket basshysy qol qoıǵan «Qazaqstan Respýblıkasynyń keıbir zańnamalyq aktilerine memlekettik qyzmet máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń Zańy negizinde «Qazaqstan Respýblıkasynyń memlekettik qyzmeti týraly» Zańyna túzetýler engizildi.

Engizilgen túzetýlerge sáıkes, barlyq memlekettik organdardyń qyzmetkerleri arasynda ótetin ishki konkýrs jalpy konkýrspen biriktirilgen. Ózgerister 2020 jyldyń 17 shildesinen bastap kúshine endi.

Buǵan deıin memlekettik organdar konkýrstardyń úsh túrin júıeli túrde ótkizip keldi. Olar: memlekettik organnyń óz qyzmetkerleri arasyndaǵy konkýrs, barlyq memlekettik qyzmetkerler arasyndaǵy konkýrs jáne barlyq azamattar arasyndaǵy jalpy konkýrs.

Óz kezeginde, bul jańashyldyq memlekettik organdardyń bos laýazymdaryn ýaqyt sozbaı toltyrýǵa yqpal etedi.

Budan bólek, atalǵan jańashyldyq strategııalyq maqsattarǵa qol jetkizý úshin kadrlyq sheshimder qabyldaýda memlekettik organdardyń utqyrlyǵyn arttyrýǵa septigin tıgizedi.

Osynyń aldynda konkýrstardyń úsh túrin ótkizý bos oryndardy toltyrý úshin kóp ýaqytty talap etetin. Bos laýazymdarǵa ornalasý konkýrstarynyń barlyq kezeńderin ótkizý úshin 50 jumys kúnine deıin sozylatyn, al qazirgi ýaqytta bul rásim 15 jumys kúnine deıin qysqartyldy.

Atalǵan tásil júıeniń mansaptyq modelin buzbaıdy, al oǵan úlken utqyrlyq beredi jáne tutastaı alǵanda, jeke sektordan talantty mamandardy tartý protsesin jedeldetýge múmkindik beredi.

Sonymen qatar, memlekettik qyzmetshilerdiń jalpy konkýrstarǵa qatysý tártibi jeńildetildi. Ótken jyldyń qarasha aıynda Zańǵa memlekettik qyzmetkerlerdi jalpy konkýrsqa qatysý kezinde testileýden ótýden bosatatyn túzetýler engizildi.

Osylaısha, memlekettik qyzmetshiler endi jalpy konkýrstarǵa jalpy negizde emes, ishki konkýrsqa uqsas jeńildetilgen tártip boıynsha qatysady. Osyǵan baılanysty, konkýrs kezeńderin qysqartý merıtokratııa qaǵıdattaryna teris áser etpeıdi.
Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT