+7 (701) 759 90 19
USD 420.29 EUR 506.87
RUB 5.66 CNY 64.73
Jańalyqtar

Memlekettik qyzmet sapasyna monıtorıng júrgiziledi – Anar Jaıylǵanova

2020 jylǵy 26 qarasha 19:40
Bólisińiz:
Memlekettik qyzmet sapasyna monıtorıng júrgiziledi – Anar Jaıylǵanova

NUR-SULTAN. QazAqparat – IX Azamattyq forýmda QR Memlekettik qyzmet isteri agenttiginiń tóraǵasy Anar Jaıylǵanova memlekettik qyzmet kórsetýdegi úkimettik emes uıymdardyń róli týraly aıtty, dep habarlaıdy QazAqparat tilshisi.

«Qoǵamdyq dıalog, ashyqtyq, adamdardyń qajettilikterine jedel mán berý – memlekettik organdar qyzmetiniń mańyzdy basymdyqtary bolyp sanalady. Memleket basshysy azamattyq qoǵamnyń memleket saıasatyn iske asyrýǵa belsendi qatysýy qajettigin únemi aıtyp keledi. Halyqqa qyzmet kórsetýdi memlekettik qyzmettiń jalpy mindeti deýge bolady, al qyzmet kórsetý sapasyn halyqtyń suranysyna qaraı arttyrý – memlekettik qyzmetshiniń etıkalyq tártibiniń negizgi postýlattarynyń biri», - dedi Anar Jaıyǵanova «Halyqqa memlekettik qyzmet kórsetýdi jaqsartýdaǵy azamattyq qoǵamnyń róli» atty ÚEU ókilderimen kezdesýde.

Agenttik basshysy úkimettik emes uıymdardyń halyqqa memlekettik qyzmet kórsetý sapasyn baqylaýdyń belsendi qatysýshylaryna aınalǵanyn atap ótti. Qyzmet kórsetý sapasyn jaqsartý, memlekettik qyzmetterdi ońtaılandyrý, sybaılas jemqorlyq syn-qaterlerin azaıtý maqsatynda agenttik bastamasymen barlyq óńirlerde memlekettik qyzmetshiler men qoǵamdyq uıymdar múshelerinen vedomstvoaralyq jumys toptary qurylǵan.

«Tsıfrlyq Qazaqstan» memlekettik baǵdarlamasyn iske asyrý boıynsha azamattyq qoǵamnyń qatysýymen halyqty tsıfrlyq saýatqa oqytý sharalary uıymdastyrylǵan. 400-den astam tsıfrlyq volonterler azamattarǵa avtomattandyrý aıasynda engizilgen qyzmetterdi kórsetý jańalyqtaryn túsindirip júr. Eriktilerdiń arqasynda memlekettik qyzmet alýshylar ETsQ-ny onlaın rásimdeý men uzartý, HQO-ǵa barý kezegin brondaý, «eGovKZbot 2.0» telegramm-boty men «Elektrondyq úkimet» mobıldi qosymshasyn paıdalaný mashyqtaryn úırendi», - dedi A. Jaıylǵanova.

Sonymen birge, «Memlekettik qyzmetter týraly» zańǵa sáıkes agenttik jyl saıyn memlekettik qyzmet kórsetý sapasyna qoǵamdyq monıtorıng júrgizedi.

«Bıyl memlekettik qyzmet kórsetý sapasynyń qoǵamdyq monıtorıngi 9000-nan astam respondentti qamtıdy jáne áleýmettik mańyzy bar 70 qyzmet boıynsha júrgiziledi, onyń nátıjeleri jeltoqsan aıynda jarııalanady», - dep túsindirdi Anar Jaıylǵanova.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Pikir qaldyrý
+7
Jiberý
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT