Memlekettik qyzmet agenttiginiń BQO boıynsha departamentine jańa basshy keldi
2022 jylǵy 22 maýsym 14:45

Memlekettik qyzmet agenttiginiń BQO boıynsha departamentine jańa basshy keldi

ORAL. QazAqparat – Ulttyq kadr saıasaty máselesi boıynsha komıssııanyń kelisimimen jáne merıtokratııa qaǵıdattaryna sáıkes Murat Baısalov QR Memlekettik qyzmet isteri agenttigi BQO boıynsha departamentiniń basshysy, Ádep jónindegi keńestiń tóraǵasy bolyp taǵaıyndaldy, dep habarlaıdy QazAqparat tilshisi.

Búgin jańa basshyny QR Memlekettik qyzmet isteri agenttiginiń apparat basshysy Álibek Ahmedıarov oblys ákimimen, óńir aktıvimen jáne departament ujymymen tanystyryp, jumysyna sáttilik tiledi.

Departamentten túsken málimetke qaraǵanda, Murat Seılbekuly 1988 jyly Ońtústik Qazaqstan oblysynyń Kentaý qalasynda dúnıege kelgen.

Qazaqstan menedjment, ekonomıka jáne boljaý ınstıtýtyn memlekettik basqarý mamandyǵy boıynsha bitirgen.

Prezıdenttik jastar kadr rezerviniń múshesi.

Eńbek jolyn 2011 jyly QR Memlekettik qyzmet isteri agenttigi kadrlyq qamtamasyz etý departamenti memlekettik qyzmet ótkerý basqarmasynyń bas sarapshysy bolyp bastaǵan.

Memlekettik qyzmettegi jalpy eńbek ótili 11jyldan asady.

Jańa laýazymǵa taǵaıyndalǵanǵa deıin QR Memlekettik qyzmet isteri agenttigi memlekettik qyzmetter departamenti dırektorynyń orynbasary qyzmetin atqardy.

Eske sala keteıik, budan buryn Batys Qazaqstannyń bas sáýletshisi taǵaıyndalǵanyn jazǵan bolatynbyz.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT