+7 (701) 759 90 19
USD 448.01 EUR 495.86
RUB 5.64 CNY 63.19
Jańalyqtar

Memlekettik komıssııa: Nur-Sultan jáne Almaty qalalarynda karantın rejımi kúsheıtiledi

2020 jylǵy 26 naýryz 18:52
Bólisińiz:
Memlekettik komıssııa: Nur-Sultan jáne Almaty qalalarynda karantın rejımi kúsheıtiledi

NUR-SULTAN. QazAqparat - QR Premer-Mınıstri Asqar Mamınniń tóraǵalyǵymen QR Prezıdenti janyndaǵy Tótenshe jaǵdaı rejımin qamtamasyz etý jónindegi memlekettik komıssııanyń selektorlyq otyrysy ótti, dep jazady primeminister.kz.

Uqsas jańalyqtar
Petropavlda balabaqshalar jabylyp, qoǵamdyq kólik kestesi ózgertiledi Eljan Birtanov koronavırýstan aıyqqan naýqastar qalaı emdelgenin aıtty Koronavırýstan kóz jumǵan áıelge qatysty tekserý júrgizilip, bas dáriger jazalandy

Elimizdegi sanıtarlyq-epıdemıologııalyq jaǵdaı týraly densaýlyq saqtaý mınıstri E. Birtanov, shekteý sharalaryn buzǵany úshin jaýapkershilikti qatańdatý týraly ádilet mınıstri M. Beketaev pen bas prokýror Ǵ. Nurdáýletov, respýblıkalyq mańyzy bar qalalardaǵy ahýal týraly Nur-Sultan qalasynyń ákimi A. Kólginov, Almaty qalasynyń ákimi B. Saǵyntaev, Shymkent qalasynyń ákimi M. Áıtenov, azyq-túlik qaýipsizdigi jáne áleýmettik mańyzdy azyq-túlik taýarlaryna baǵany belgileý týraly saýda jáne ıntegratsııa mınıstri B. Sultanov, aýyl sharýashylyǵy mınıstri S. Omarov jáne memlekettik organdardyń basqa da basshylary baıandady.

Memlekettik komıssııa bıylǵy 28 naýryz kúngi saǵat 00.00-den bastap kelesi sharalardy qabyldaý arqyly Nur-Sultan jáne Almaty qalalarynda karantın rejımin kúsheıtý týraly sheshimdi bekitti:

Azyq-túlik, dári-dármek satyp alýdy jáne jumysqa barýdy qospaǵanda, azamattardyń turǵyn úıden shyǵýyn shekteý;

Halyq kóp jınalatyn oryndardy jabý (saıabaqtar, skverler, jaıaý júretin kósheler, jaǵalaýlar, oıyn alańdary jáne t. b.);

Qoǵamdyq kólik jumysyn kezeń-kezeńmen shekteý;

Kóshelerde jáne basqa da qoǵamdyq oryndarda úsh adamnan artyq toptasyp jınalýǵa tyıym salý (otbasy múshelerinen basqa);

Kámelettik jasqa tolmaǵandardyń úlkendersiz syrtta júrýine tyıym salý.

Koronavırýstyq ınfektsııanyń taralýyna jol bermeý maqsatynda Shymkent qalasyndaǵy Abaı aýdanynda «Táýelsizdikke 20 jyl» turǵyn úı alabynda úıdi-úıdi aralaýdy uıymdastyrýmen 14 kúnge sozylatyn karantın engiziledi.

Shymkent qalasynda sonymen qatar áýejaıdyń, temirjol vokzaly jáne avtovokzaldyń, balabaqshalardyń jumysy toqtatylady. Halyq kóp jınalatyn jerler jabylady (saıabaqtar, skverler, jaıaý júrginshi kósheleri, oıyn alańdary t. b.). Qoǵamdyq tamaqtandyrý oryndarynyń jumysy saǵat 18.00-ge deıin shekteledi (saǵat 18.00-den saǵat 22.00-ge deıin úıge jetkizýmen). Qoǵamdyq kólik qozǵalysy kezeń-kezeńmen shekteledi. Azyq-túlik dúkenderiniń, saýda ortalyqtary men kıim-keshek bazarlarynyń, qyzmet kórsetetin nysandardyń jumys rejımin shekteý Shymkent qalasynyń ákiminiń sheshimi boıynsha júzege asyrylady.

Úkimet basshysy Densaýlyq saqtaý mınıstrligine Ádilet mınıstrligimen birlesip shekteý sharalaryn engizý boıynsha tıisti aktini qabyldaýdy tapsyrdy.

Otyrysqa qatysýshylar sonymen qatar turǵyndardy áleýmettik mańyzy bar azyq-túlik ónimderimen qamtamasyz etý jáne olardyń baǵasyn turaqtandyrý, kóktemgi kanıkýldan keıin mektep oqýshylarynyń qashyqtan oqýyn uıymdastyrý (bıyl 6 sáýirden bastap), sondaı-aq shetelde qalǵan, otanǵa oralýǵa nıetti QR azamattaryna qoldaý kórsetý máselelerin qarastyrdy.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT