+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

Memlekettik kirister komıteti zeınetaqy alymynan tabys salyǵy qalaı ustalatynyn túsindirdi

2021 jylǵy 15 sáýir 16:06
Bólisińiz:
Memlekettik kirister komıteti zeınetaqy alymynan tabys salyǵy qalaı ustalatynyn túsindirdi

NUR-SULTAN. QazAqparat - Memlekettik kirister komıteti zeınetaqy jınaǵynyń bir bóligin turǵyn úı jaǵdaıyn jaqsartýǵa, qymbat turatyn emdelý aqysyn tóleýge paıdalanǵan kezde jeke tabys salyǵyn ustap qalýǵa qatysty suraqtarǵa jaýap berdi, dep habarlaıdy QazAqparat.

Uqsas jańalyqtar
Atyraý oblysy memlekettik bıýdjetke 559 mlrd teńge aýdardy Prezıdent Úkimetke salyq júıesin reformalaýmen tyńǵylyqty aınalysýdy tapsyrdy

Investıtsııalyq tabysqa salyq salyna ma?

Shynynda da, zeınetaqy tólemderi mindetti zeınetaqy jarnalary, erikti zeınetaqy jarnalary jáne ınvestıtsııalyq kiris esebinen qalyptastyrylady.

Jeke tabys salyǵy (JTS) salynatyn kiristi aıqyndaý kezinde jeke tulǵanyń kirisinen mindetti zeınetaqy jarnalary men erikti zeınetaqy jarnalary shegeriletinin eskerý qajet. BJZQ-ǵa aýdarylǵan kezde mundaı jarnalarǵa JTS salynbaıdy.

Óz kezeginde, ınvestıtsııalyq kirister salyq agenti tóleıtin basqa da kirister retinde tólem kózinen JTS salynady. Bul jaǵdaıda BJZQ salyq agenti bolyp tabylady (Salyq kodeksiniń 321-babynyń 17) tarmaqshasy, 353-babynyń 5-tarmaǵy engizý týraly Zańnyń 33-babynda jazylǵan redaktsııada).

Tıisinshe, zeınetaqy túrindegi zeınetaqy jınaqtaryn tóleý kezinde, sondaı-aq birjolǵy zeınetaqy tólemi túrindegi osyndaı kiristerden tólem kózinen JTS Biryńǵaı jınaqtaýshy zeınetaqy qorymen ustalady.

Basqaǵa berý kezinde zeınetaqy alymdaryna salyq salyna ma?

Salyq zańnamasynda (Salyq kodeksi jáne Salyq kodeksin engizý týraly Zańnyń 33-baby) Qazaqstan Respýblıkasynyń zeınetaqymen qamsyzdandyrý týraly zańnamasyna sáıkes birjolǵy zeınetaqy tólemi bar jeke tabys salyǵyn (JTS) esepteýge, ustap qalýǵa jáne tóleýge qatysty erejeler kózdelgen (tıisinshe 353-1 jáne 351-1-baptar). Bul rette JTS bir mezgilde ustalatyn jaǵdaılar kózdelgen.

Sonymen birge, jeke tulǵa basqa jeke tulǵadan óteýsiz negizde alǵan jumystar men qyzmetterdi qosa alǵanda, onyń ishinde syıǵa tartý jáne muragerlik túrinde múlik salyq salynatyn kiristen alyp tastalady (ıaǵnı JTS salynbaıdy).

Bul norma Biryńǵaı jınaqtaýshy zeınetaqy qory jáne erikti jınaqtaýshy zeınetaqy qorlary tóleıtin muraǵa qaldyrylǵan zeınetaqy jınaqtaryna qoldanylmaıdy (Salyq kodeksiniń 341-baby 1-tarmaǵynyń 33) tarmaqshasy).

Tıisinshe syıǵa tartý arqyly berilgen birjolǵy zeınetaqy jınaqtary osyndaı syıdy qabyldaǵan jeke tulǵanyń salyq salynatyn kirisinen alyp tastalady. ıAǵnı, syı alýshy jeke tulǵada JTS ustalmaıdy.

Bul JTS-ti osyndaı tólemdi bergen tulǵa ǵana tóleıtinin bildiredi.

Budan buryn MKK-da JTS somasyn ustap qalýdy jeke tulǵanyń tańdaýy boıynsha eki tásildiń birimen JTS ustap qalý týraly ótinish negizinde «Biryńǵaı jınaqtaýshy zeınetaqy qory» AQ (BJZQ) júrgizetini habarlanǵan bolatyn:

1) bir ret - BJZQ ýákiletti operatorǵa aýdarǵan kezde;

2) BJZQ belgilegen keste boıynsha (zeınetaqy aýdarý bastalǵan kelesi aıdan bastap) 16 jyldan aspaıtyn merzim ishinde aı saıyn teń úlestermen júzege asyrylady.


Bizdiń kanalymyzǵa jazylyńyz:

Bólisińiz:

Avtor:

Aıaýlym Altynbek

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT