+7 (701) 759 90 19
USD 412.55 EUR 454.18
RUB 5.81 CNY 57.66
Jańalyqtar

Memlekettik kirister komıteti salyq qaryzy men ósimpulyn keıinge shegerý tetigin qarastyrýda

2020 jylǵy 17 naýryz 10:34
Bólisińiz:
Memlekettik kirister komıteti salyq qaryzy men ósimpulyn keıinge shegerý tetigin qarastyrýda

NUR-SULTAN. QazAqparat - Qazaqstanda koronavırýs indetine baılanysty tótenshe jaǵdaı engizilgendikten Memlekettik kirister komıteti bıznes sýbektilerine birqatar memlekettik qoldaý kórsetpek, dep habarlaıdy QazAqparat komıtettiń baspasóz qyzmetine silteme jasap.

Olar ınvestıtsııalyq salyqtyq preferentsııalar, arnaıy ekonomıkalyq aımaqtar, arnaıy salyq rejimderi. Bul jeńildikter kásipkerlik sýbektileri men agroónerkásip keshenin qoldaýǵa arnalǵan.

2018 jyldyń qorytyndysy boıynsha salyq tóleýshiler 4,5 trln teńgeniń salyǵynan bosatylǵan. 2019 jyldyń qorytyndysy boıynsha da osyndaı mólsherde salyq jeńildigi jasalady.

«Bıylǵy jyldan bastap arnaıy salyq rejimi boıynsha esep aıyrysatyn mıkro jáne shaǵyn kásipkerlik sýbektileri 3 jylǵa salyq tóleýden bosatyldy. Bul sýbektilerdi tekserýge moratorıı jarııalandy.

Buǵan qosa elimizde tótenshe jaǵdaıdyń engizilýine baılanysty, qarym-qatynasty azaıtý úshin zańdy jáne jeke tulǵalarǵa deklaratsııa tapsyrý merzimi tótenshe jaǵdaıdyń ýaqytyna sáıkes kelgendikten, ony 30 kúntizbelik kúnge keıinge shegerý týraly sheshim qabyldandy», delingen habarlamada.

Sondaı-aq, Salyq kodeksinde tótenshe jaǵdaı kezinde qaryz keıinge shegerilse, oǵan ósimpul eseptelmeıdi. Alaıda ondaı jeńildikti alý úshin kepilzat nemese banktik kepildik qajet.

Komıtettiń habarlaýynsha, osyǵan oraı tótenshe jaǵdaı kezinde salyqtyq mindettemeler boıynsha qaryz ben ósimpuldy keıinge shegerýdi ońtaılandyratyn tetikter qarastyrylýda.

«Tótenshe jaǵdaı kezinde qameraldy baqylaý qorytyndysy boıynsha habarlama jiberý toqtatylady. Nysandarǵa baryp, keden jáne salyq tekserisin júrgizý azaıtylady. Ákimshilik jaýapkershilikke tartý máselesi tótenshe jaǵdaı merzimi aıaqtalǵannan keıin qarastyrylady. Budan ózge qoldaý kórsetý sharalary qarastyrylmaǵan», delingen habarlamada.

Jumys berýshiler naýryz aıynda tólegen jalaqynyń salyǵyn 25 sáýirge deıin tóleýi kerek.

Al eger eńbekaqy eseptelmegen nemese tólenbegen bolsa, salyqtyq mindettemeler qarastyrylmaıdy.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT