+7 (701) 759 90 19
USD 425.59 EUR 505.43
RUB 5.61 CNY 64.83
Jańalyqtar

Memlekettik hatshy sybaılas jemqorlyqpen kúres máseleleri jóninde keńes ótkizdi

2020 jylǵy 17 qyrkúıek 16:15
Bólisińiz:
Memlekettik hatshy sybaılas jemqorlyqpen kúres máseleleri jóninde keńes ótkizdi

NUR-SULTAN. QazAqparat - Búgin Qazaqstan Respýblıkasynyń Memlekettik hatshysy Qyrymbek Kósherbaevtyń tóraǵalyǵymen onlaın rejıminde Qazaqstan Respýblıkasy Prezıdentiniń janyndaǵy Sybaılas jemqorlyqqa qarsy is-qımyl máseleleri jónindegi komıssııanyń kezekti otyrysy ótti, dep habarlaıdy Aqorda.

Otyrysta eki másele talqylandy: «Qazaqstan Respýblıkasynda jer resýrstaryn basqarý, paıdalaný jáne qorǵaý tıimdiligi týraly» jáne «Azamattardy turǵyn úımen qamtamasyz etý boıynsha memlekettik qoldaý sharalaryn iske asyrýdyń tıimdiligi týraly».

Elimizdiń áleýmettik-ekonomıkalyq damýy men azamattarymyzdyń ál-aýqaty úshin bul máselelerdiń mańyzdylyǵyn Elbasy men Memleket basshysy atap ótip, tıisti mindetter men maqsattar birqatar strategııalyq jáne baǵdarlamalyq qujattarda naqtylanǵan.

Degenmen, olardy ýákiletti memlekettik organdardyń is júzinde júzege asyrýy azamattar men kásipkerlik sýbektilerine, ásirese, aýyl sharýashylyǵy taýarlarynyń óndirisi salasyna qatysty aıtylyp júrgen syndar negizsiz emes.

Memleket basshysy Qasym-Jomart Toqaev 2020 jylǵy 1 qyrkúıektegi «Jańa jaǵdaıdaǵy Qazaqstan: is-qımyl kezeńi» dep atalǵan Qazaqstan halqyna Joldaýynda da «Nurly jer» baǵdarlamasyn iske asyrý qarqynynyń baıaýlap qalǵanyna nazar aýdardy, bul birinshi kezekte aýmaqtardy jaılastyrý jumystarynyń tómen ekenin kórsetedi.

Osyǵan baılanysty otyrysta birinshi máseleni qaraý kezinde aýyl sharýashylyǵy, tsıfrlyq damý, ınnovatsııalar jáne aeroǵarysh ónerkásibi mınıstrlikteriniń, basqa da ortalyq jáne jergilikti atqarýshy organdardyń birinshi basshylarynyń baıandamalary tyńdaldy.

Talqylaý barysynda baıandamashylarǵa jer quqyǵy qatynastary salasynda, birinshi kezekte kásipkerlik jáne jeke turǵyn úı qurylysy muqtajy úshin jer berý kezinde barynsha ashyqtyq pen júıelilikti qamtamasyz etý tapsyryldy.

Paıdalanylmaıtyn aýyl sharýashylyǵy jerlerin keri qaıtarý boıynsha jergilikti atqarýshy organdardyń jumysynyń enjarlyǵy jeke atap ótildi.

Mysaly, Aqmola, Shyǵys Qazaqstan, Qostanaı jáne Mańǵystaý oblystarynda Jerdi qashyqtyqtan zondtaý pılottyq jobasynyń nátıjeleri boıynsha jer ınspektsııalary bergen málimetterden edáýir kóp aýyl sharýashylyǵy alqaptary paıdalanylmaı jatqany anyqtaldy.

Oblystar men respýblıkalyq mańyzy bar qalalardyń ákimderiniń nazaryn jeke turǵyn úı qurylysy úshin jer ýchaskelerin berý salasynda jınaqtalǵan problemalardy jedel joıýǵa aýdartty.

Atap aıtqanda, olarǵa jáne salalyq mınıstrlikterge jeke turǵyn úı qurylysyna arnalǵan massıvterdi kommýnaldyq ınfraqurylymmen jabdyqtaý máselelerin sheshýdiń balama joldaryn ázirleý usynyldy.

Jalpy, otyrysta talqylanǵan problemalar sybaılas jemqorlyqqa jaǵdaılar jasaıdy, osyǵan baılanysty komıssııa ýákiletti memlekettik organdarǵa olardy joıý boıynsha dereý sharalar qabyldaý qajettigin kórsetti.

Ekinshi máseleni talqylaý aıasynda turǵyn úı qatynastary salasyndaǵy «Nurly jer», «7-20-25», «Baqytty otbasy» memlekettik baǵdarlamalaryn iske asyrý barysy qaraldy.

Komıssııa muqtaj azamattardy turǵyn úımen qamtamasyz etýdiń aldaǵy josparlary týraly ýákiletti organdardyń baıandamalaryn nazarǵa aldy.

Sonymen qatar, Qazaqstan Respýblıkasynyń Memlekettik hatshysy demografııalyq jáne kóshi-qon protsesterine baılanysty turǵyn úıge suranystyń artýy, bul maqsatty jumysty jandandyrý qajettigin atap ótti.

Sondaı-aq, turǵyn úı sapasyn qamtamasyz etý, jaýapsyz qurylys kompanııalardan zardap shekken úleskerlerdiń problemalaryn sheshý, turǵyn úı baǵdarlamalaryna bólingen memlekettik qarajattyń jumsalýyna qarjylyq baqylaý sharalaryn kúsheıtý máseleleri qaraldy.

Otyrys qorytyndysy boıynsha Qazaqstan Respýblıkasynyń Memlekettik hatshysy Qyrymbek Kósherbaev qaralǵan máseleler boıynsha naqty tapsyrmalar berdi, olardyń oryndalýy baqylaýǵa alyndy.


Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT