Valıýta baǵamdary:
    usd/kzt 470.34 eur/kzt 490.47

    rub/kzt 8.98 cny/kzt 70.25
Aýa raıy:
Nur-Sultan: 1 °S
Almaty: 15 °S

Memlekettik hatshy Soltústik Qazaqstan oblysynyń jurtshylyǵymen kezdesti

2022 jylǵy 27 mamyr 20:20

PETROPAVL. QazAqparat - QR Memlekettik hatshysy Erlan Qarın Ulttyq qoǵamdyq senim keńesiniń múshelerimen birge Soltústik Qazaqstan oblysynyń jurtshylyǵymen birqatar kezdesý ótkizdi, dep habarlaıdy QazAqparat Aqordaǵa silteme jasap.

Erlan Qarın aldymen oblys aktıvimen kezdesti. Oblys ákimi Qumar Aqsaqalov óńirdiń áleýmettik-ekonomıkalyq damýy men ınfraqurylymdyq jobalardyń oryndalýy jaıynda baıandady. Óz kezeginde Memlekettik hatshy aldaǵy konstıtýtsııalyq reformanyń negizgi baǵyttary týraly aıtty. Sondaı-aq júzege asyrylatyn reforma halyqtyń eldi basqarý isine aralasýyn arttyrýǵa jáne saıası protsesterdi demokratııalandyrý isin odan ári jalǵastyrýǵa múmkindik beretinine nazar aýdardy.

Erlan Qarın atap ótkendeı, osy sebepti konstıtýtsııalyq reforma jalpy qoǵamnyń qoldaýyna ıe. Ony sońǵy júrgizilgen áleýmettik zertteýlerdiń nátıjesi kórsetip otyr.

Memlekettik hatshy munan keıin óńirdegi Qoǵamdyq keńesterdiń múshelerimen kezdesti. Kezdesýge qatysýshylar qoǵam men bılik ınstıtýttary arasyndaǵy ashyq ári syndarly dıalogty damytý turǵysynda oı bólisti. Erlan Qarın Konstıtýtsııaǵa túzetýler engizýdi ázirleý jumysyna elimizge belgili sarapshylar men qoǵam ókilderi tartylǵanynan habardar etti. Sondyqtan aldaǵy konstıtýtsııalyq reformany qoǵamnyń usynysyna negizdelip jasaldy deýge bolady.

Jumys saparynyń barysynda QR Memlekettik hatshysy óńirdegi jastar uıymdarynyń belsendilerimen de júzdesti. Onda jas urpaqtyń qoǵamdyq jumystarǵa belsendi aralasýyn arttyrý jáne jastarǵa qatysty jobalardy qoldaý máseleleri qozǵaldy. Kezdesý qorytyndysy boıynsha E. Qarın jastardyń referendým men saıası reformalarǵa úlken qyzyǵýshylyq tanytyp otyrǵanyn atap ótti.

Oblys jurtshylyǵy elimizde atqarylyp jatqan saıası jańǵyrý úderisterin jiti baqylap otyrǵanyn aıtyp, qolǵa alynǵan reformalardy júzege asyrýǵa daıyn ekenderin jetkizdi.


Novostı po teme
Uqsas jańalyqtar