+7 (701) 759 90 19
USD 412.55 EUR 454.18
RUB 5.81 CNY 57.66
Jańalyqtar

Memlekettik hatshy «Rýhanı jańǵyrý» aıasynda Ulttyq komıssııaǵa tapsyrmalar júktedi

2020 jylǵy 5 aqpan 17:06
Bólisińiz:
Memlekettik hatshy «Rýhanı jańǵyrý» aıasynda Ulttyq komıssııaǵa tapsyrmalar júktedi

NUR-SULTAN. QazAqparat – Qazaqstan Respýblıkasynyń Memlekettik hatshysy Qyrymbek Kósherbaev «Rýhanı jańǵyrý» baǵdarlamasyn iske asyrý sheńberinde naqty tapsyrmalar berdi, dep habarlaıdy QazAqparat tilshisi.

«Májiliste usynylǵan is-sharalar josparynyń jobasymen tanysqan kezde pragmatızm baǵyty boıynsha birshama shara engizilgenin baıqadyńyzdar. Sondyqtan, jospardy júzege asyrý barysynda qoǵamnyń barlyq kúsh-jigerin bul iske jumyldyrý kerek. Ol úshin Aqparat jáne qoǵamdyq damý mınıstrligi Mádenıet jáne sport mınıstrligimen, Bilim jáne ǵylym mınıstrligimen, zııaly qaýym, qoǵamnyń belsendi ókilderin tarta otyryp, osy ádet-ǵuryptyq rásimderdi, ásirese toılar men astardy ysyrapsyz ári dańǵazasyz ótkizýge baılanysty usynymdardy daıyndaýǵa tapsyrýdy durys dep esepteımin», - dedi Memlekettik hatshy Aqordada ótken Ulttyq komıssııa jıynynda.

Onyń aıtýyna qaraǵanda, «Rýhanı jańǵyrý» baǵdarlamasy sheńberinde Úkimetten bastap, jergilikti atqarýshy organdarǵa beriletin tapsyrmalar bar.

«Biz aldaǵy jumys josparymyzdy óte jınaqy maqsatty ári nysanaly túrde júrgizýimiz kerek. Ol úshin jumys josparyn úsh baǵytqa jiktep otyrmyz. Birinshi baǵyt – tulǵalyq damý baǵyty. Bul baǵyttyń ishine bilimniń saltanat qurýy, pragmatıkalyq qundylyqtardy sińirý, básekege qabilettilik syndy qundylyqtardy jınaqtap, adamı kapıtaldy arttyrýǵa baǵyttaımyz. Ásirese, jastar máselesine erekshe kóńil bólinýi kerek. Ekinshi baǵyt – ulttyq biregeılikti saqtaý. Bul baǵyt ulttyq qundylyqtardy saqtaý, ulttyq biregeılikti halyqaralyq deńgeıde kórsetý syndy keshendi sharalardy qamtıdy. Úshinshi baǵyt – memleket pen qoǵamnyń damýy. Bul baǵyt elimizde revolıýtsııalyq damý emes, evolıýtsııalyq damý, sananyń ashyqtyǵy, «Halyq únine qulaq asatyn memleket» tujyrymdamasy aıasynda júzege asady. Baǵdarlamany júzege asyrýda naýqanshylyqqa jol bermeýimiz kerek», - dedi Memlekettik hatshy.

Qyrymbek Kósherbaev atalǵan mindetterdi sapaly túrde oryndaý úshin komıssııa atynan naqty birqatar tapsyrma beriletinin jetkizdi.

«Birinshiden, memlekettik komıssııanyń hattamasymen «Rýhanı jańǵyrý» baǵdarlamasyn iske asyrý jónindegi 2020 jylǵa arnalǵan is-sharalar jospary bekitilsin. Ekinshiden, Qazaqstan Respýblıkasynyń Úkimeti «Rýhanı jańǵyrý» baǵdarlamasyn iske asyrý jónindegi 2020 jylǵa arnalǵan is-sharalar josparynda kózdelgen sharalardyń qarjylandyrylýyn jáne sapaly iske asyrylýyn qamtamasyz etýi kerek. Úshinshiden, BǴM bilim berýdi damytýdyń memlekettik baǵdarlamasyna patrıottyq bilimdilik, básekege qabilettilik, fýnktsıonaldyq, ulttyq kod sııaqty tárbıelik elementterdi qamtı otyryp, kúsheıtilgen tárbıe komponentin engizý jóninde shuǵyl sharalar qabyldasyn. Sonymen qatar, birtutas Qazaqstan memlekettik ıdeologııasynyń pármenin júrgizý maqsatynda jalpy Qazaqstanda balalar men jastar qozǵalysyn qurý jóninde Memleket basshysynyń atyna usynys daıyndalsyn. Jas urpaqty patrıotızmge baýlý jáne olardyń básekege qabilettigin arttyrý maqsatynda halyq sany 30 myńnan joǵary aýdan ortalyqtarynda aýyl balalaryna arnalǵan beıimdik daryndy balalar mektep-ınternattaryn ashý, sondaı-aq áskerı kadetter mektepterin ashý, onda jetim jáne ata-ananyń qamqorlyǵynsyz qalǵan balalardyń da oqýyna qajetti múmkindik jasaý jóninde Prezıdent Ákimshiligine 1 naýryzǵa deıin tıisti usynys engizilsin», - dedi ol.

Memlekettik hatshy sonymen qatar tanymdyq baǵdarlamalar shyǵarýǵa barlyq BAQ-ty jumyldyrýdy júktedi.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT