+7 (701) 759 90 19
USD 424.49 EUR 504.51
RUB 5.59 CNY 64.57
Jańalyqtar

Memlekettik hatshy Qoǵamdyq sanany jańǵyrtý baǵdarlamasy jónindegi komıssııanyń otyrysyn ótkizdi

2020 jylǵy 29 qazan 17:27
Bólisińiz:
Memlekettik hatshy Qoǵamdyq sanany jańǵyrtý baǵdarlamasy jónindegi komıssııanyń otyrysyn ótkizdi

NUR-SULTAN. QazAqparat - Aqordada QR Memlekettik hatshysy Qyrymbek Kósherbaevtyń tóraǵalyǵymen Qoǵamdyq sanany jańǵyrtý baǵdarlamasyn iske asyrý jónindegi Ulttyq komıssııanyń otyrysy onlaın formatta ótkizildi, dep habarlaıdy QazAqparat.

Otyrysta baǵdarlamany 2020 jyly iske asyrý nátıjeleri jáne aldaǵy jumystyń jańa basym baǵyttary qarastyryldy. Keńes barysynda QR Aqparat jáne qoǵamdyq damý mınıstri A. Balaeva, QR Bilim jáne ǵylym mınıstri A. Aımaǵambetov, QR Mádenıet jáne sport mınıstri A. Raıymqulova atqarylǵan jumys jóninde baıandady.

Іs-shara barysynda jastardyń «Rýhanı jańǵyrý» baǵdarlamasyn odan ári damytýǵa baılanysty jańa bastamalary týraly Ál-Farabı atyndaǵy Qazaq ulttyq ýnıversıtetiniń rektory Ǵ. Mutanov pen QR Prezıdenti janyndaǵy Ulttyq qoǵamdyq senim keńesiniń múshesi, saıasattanýshy E. Saırovtyń usynystary da talqylandy.

«Rýhanı jańǵyrý» baǵdarlamasyn iske asyrý jónindegi 2020 jylǵa arnalǵan is-sharalar josparynyń oryndalýy talqylandy. Álemdik pandemııa men ekonomıkalyq daǵdarys kóptegen sharalar men jobalardyń júzege asýyna shek qoıdy, kedergi boldy, basym kópshiligin aldaǵy kúnderge jyljytýǵa týra keldi. Keıbir sharalardyń kontseptsııasy qaıta qaraldy.

Baǵdarlama aıasynda elimizdiń rýhanııaty men tarıhyn, ádebıeti men mádenıetin, bilimi men ǵylymyn tereńdetý, tanytý, zertteý baǵyttary boıynsha jumystar keńinen jalǵasýda.

Komıssııa otyrysynda Memlekettik hatshy Qyrymbek Kósherbaev «Tuńǵysh Prezıdentimiz – Elbasy Nursultan Ábishuly Nazarbaev «Jańǵyrý eldiń ulttyq-rýhanı tamyrynan nár ala almasa, ol adasýǵa bastaıdy. Rýhanı jańǵyrý ulttyq sananyń túrli polıýsterin qıynnan qıystyryp, jarastyra alatyn qudiretimen mańyzdy» dep atap ótse, Memleket basshysy Qasym-Jomart Kemeluly Toqaev taıaýda halyqqa Joldaýynda: «Qazirgi mindet – halqymyzdyń jańa bolmysyn qalyptastyrý, tutas ult sapasyn arttyrý. Qazaq qoǵamynda jańa qaǵıdattar jáne jańa baǵdarlar saltanat qurýǵa tıis» ekenin aıryqsha aıtty. ıAǵnı, ulttyq sanany jańǵyrtýdaǵy osy saıası sabaqtastyqty negizge ala otyryp, biz rýhanı jańǵyrýdyń ulttyq jańǵyrýǵa ulasýyna barynsha kúsh-jigerimizdi salyp, ultymyzdy jańa sapalyq deńgeıge kóterýge qyzmet etýimiz kerek» dep atap ótti.

Osyǵan oraı, komıssııada «Rýhanı jańǵyrý» baǵdarlamasyn odan ári tereńdetip Ulttyq jańǵyrý kezeńine ótkizýdiń arnaıy Jol kartasyn jasaý qajet dep sheshim qabyldandy. Bul qujat asa mańyzdy ulttyq joba retinde júrgiziledi.

Ulttyq jańǵyrý jobasynyń eń basty máni – Ulttyń básekege qabilettiligin arttyrý. Bul – ulttyq jańǵyrýdyń strategııalyq maqsaty bolyp qalady.

Jol kartasynda Memlekettik til mártebesin arttyrý, Bilim jáne ǵylymdy damytý, Joǵary ulttyq jáne jalpyadamzattyq qundylyqtar negizinde rýhanı-adamgershilik jáne patrıottyq tárbıe berý, Eńbek adamyn qalyptastyrý, Aýyldy túletý sııaqty t.b keshendi is-sharalar qamtylady.

Memlekettik hatshy otyrysty qorytyndylaı kele, «Rýhanı jańǵyrý» baǵdarlamasynyń basym baǵyttary boıynsha jumysty odan ári jandandyrý boıynsha naqty tapsyrmalar berdi.


Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT