+7 (701) 759 90 19
USD 412.10 EUR 454.34
RUB 5.82 CNY 57.62
Jańalyqtar

Memlekettik buqaralyq aqparat quraldary ońtaılandyrylady

2020 jylǵy 22 mamyr 15:32
Bólisińiz:
Memlekettik buqaralyq aqparat quraldary ońtaılandyrylady

NUR-SULTAN. QazAqparat – QR Úkimeti Aqparat salasyn damytýdyń 2020 – 2022 jyldarǵa arnalǵan ulttyq josparyn bekitti. Oǵan sáıkes birqatar memlekettik buqaralyq aqparat quraldary ońtaılandyrý sharalarymen qamtylady, dep habarlaıdy QazAqparat.

Bul turǵyda «Egemen Qazaqstan» AQ, «Kazahstanskaıa pravda» AQ, «Habar» AQ, «Qazaqstan» RTRK» AQ , «Qazmedıaortalyǵy» JShS, «Qazteleradıo» AQ eskerilgen.

Qazaqstan Respýblıkasy Úkimetiniń 2020 jylǵy 7 sáýirdegi № 183 qaýlysy.

Qazaqstan Respýblıkasynyń Úkimeti QAÝLY ETEDІ:

1. Qosa berilip otyrǵan Aqparat salasyn damytýdyń 2020 – 2022 jyldarǵa arnalǵan ulttyq jospary (budan ári – Ulttyq jospar) bekitilsin.

2. Ulttyq jospardy oryndaýǵa jaýapty ortalyq memlekettik jáne jergilikti atqarýshy organdar: 1) Ulttyq jospardy iske asyrý boıynsha qajetti sharalardy qabyldasyn; 2) jylyna eki ret, esepti jyldan keıingi 10 qańtardan jáne 10 shildeden keshiktirmeı Qazaqstan Respýblıkasynyń Aqparat jáne qoǵamdyq damý mınıstrligine Aqparat salasyn damytý jónindegi 2020 – 2022 jyldarǵa arnalǵan is-sharalar josparynyń oryndalý barysy týraly aqparat bersin.

3. QR Aqparat jáne qoǵamdyq damý mınıstrligi esepti jyldan keıingi 25 qańtardan jáne 25 shildeden keshiktirmeı QR Premer-Mınıstriniń Keńsesine jáne QR Prezıdentiniń Ákimshiligine Ulttyq jospar is-sharalarynyń iske asyrylý barysy týraly jıyntyq aqparat bersin.

4. Osy qaýlynyń oryndalýyn baqylaý QR Aqparat jáne qoǵamdyq damý mınıstrligine júktelsin.

5. Osy qaýly qol qoıylǵan kúninen bastap qoldanysqa engiziledi.

QR Premer-Mınıstri A. Mamın

Otandyq BAQ-tyń básekege qabilettiligin arttyrý úshin BAQ-ty memlekettik qoldaý tásilderin qaıta qaraý kózdelgen. Osyǵan baılanysty, jańalyqtar materıaldaryn óndirýge memlekettik aqparattyq tapsyrystan qarajat bólýdi alyp tastaýdy qaraý qajettigi, sol arqyly olardy áleýmettik mańyzy bar taqyryptardy jarııa etýge baǵyttaý kerektigi atap ótilgen.

Osy sharany Internette, merzimdi baspasóz basylymdarynda memlekettik aqparattyq saıasatty júrgizý sheńberinde júzege asyrýǵa bolady.

«Sonymen qatar, baspa BAQ-ta taldamalyq kontentke basa nazar aýdarýdy kózdeý qajet. Jańalyqtar materıaldaryn ınternet-resýrstarynyń jarııalaý jedeldigi sııaqty obektıvti sebepterge baılanysty baspa BAQ-tardyń jýrnalıstik zertteýlerdi, sholý materıaldaryn, saraptamalyq maqalalardy jáne basqalardy qosa alǵanda, taldamalyq kontenttiń ornyn ıelengeni jón», - delingen josparda.

Sondaı-aq, aqparat salasynda kvazımemlekettik sektor sýbektilerin ońtaılandyrý júrgiziledi.

«Búginde medıaholdıngter kóptegen mindetterdi sheshýge múmkindik beredi jáne uıymdyq qyzmetti ortalyqtandyrýdy, máselelerdi jedel qarjylyq-ekonomıkalyq sheshý múmkindigin, shyǵyndardy ońtaılandyrýdy, onyń ishinde ákimshilik-tehnıkalyq personalǵa únemdeýdi qosa alǵanda, birqatar artyqshylyqtarǵa ıe. Medıaholdıngterdi qurý uıymnyń shyǵarmashylyq áleýetine nazar aýdarýǵa múmkindik beredi», - delingen qujatta.

Osy oraıda onlaın jáne baspa BAQ salasynda jeke medıaholdıngter qurý naryq suranystaryna ıkemdi den qoıýǵa, sapaly básekeles ónim usynýǵa, sondaı-aq olardy qamtamasyz etýge arnalǵan bıýdjet qarajatyn únemdeýge múmkindik beretindigi atalyp ótken.

Munymen qosa, biryńǵaı materıaldyq-tehnıkalyq baza qurylady.

«Materıaldyq-tehnıkalyq jabdyqtardy ergonomıkalyq paıdalanýdy, sondaı-aq bıýdjet qarajatyn únemdeýdi uıymdastyrý úshin memlekettik telearnalarǵa arnalǵan biryńǵaı materıaldyq-tehnıkalyq baza qurýdyń tıimdiligin zerdeleý usynylady. Óz jabdyqtarynan basqa telearnalar osy bazanyń resýrstaryn paıdalana alady, bul olardyń kontent daıyndaýdaǵy múmkindikterin keńeıtedi», - dep jazylǵan josparda.

Osy shara memlekettik telearnalardyń materıaldyq-tehnıkalyq bazasyn jańartýdy da kózdeıdi.

Budan bólek, blogerlerdiń quqyqtyq mártebesin aıqyndaý máselesine nazar aýdarylǵan.

«Internet jelisin damytý jýrnalıstıkanyń, onyń ishinde azamattyq jýrnalıstıkanyń jańa túrlerin damytýǵa yqpal etedi. Búginde áleýmettik jeliler men ártúrli jelilik platformalar aýdıtorııasynyń ósýiniń arqasynda blogerler máselelerdiń aýqymdy spektri jóninde aýdıtorııanyń habardar bolýyna jáne jalpy qoǵamdyq pikirge aıtarlyqtaı áser etedi. Blogerlerdiń qyzmetin quqyqtyq retteý maqsatynda kóptegen elder birqatar halyqaralyq qujattardy basshylyqqa alady.

Mysaly, Azamattyq jáne saıası quqyqtar týraly halyqaralyq paktiniń №34 jalpy tártiptegi eskertýinde Birikken Ulttar Uıymynyń Adam quqyqtary jónindegi komıteti blogerlerdiń qyzmetin jýrnalıstıka nysanyna teńestiredi: «jýrnalıstik fýnktsııalardy adamdardyń aýqymdy toby, onyń ishinde kásipqoı shtattyq reporterler men taldaýshylar, blogerler jáne baspa basylymdarynda, Internette nemese basqa da jerlerde jarııalanatyn basqa da adamdar atqarady. Osylaısha, halyqaralyq tájirıbeni eskere otyryp, eriktilik qaǵıdatyna negizdelgen otandyq blogerlerdiń qyzmetin quqyqtyq qamtamasyz etken jón», - dep atalyp ótken josparda.

Atalǵan shara blogerlerdi memlekettik jáne halyqaralyq uıymdarda akkredıtteý quqyǵyn qosa alǵanda, quqyqtarmen jáne jýrnalıster jumysynyń ómirlik mańyzy bar bóligi bolyp sanalatyn qorǵaýmen (tótenshe jaǵdaılardy joıý, qarýly arnaıy operatsııalardy jarııa etý kezindegi tanym belgileri jáne basqalar) qamtamasyz ete alady.


Bizdiń kanalymyzǵa jazylyńyz:

Basty sózder: BAQ, Qoǵam,
Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT