+7 (701) 759 90 19
USD 420.67 EUR 510.99
RUB 5.58 CNY 64.92
Jańalyqtar

Memleket qyzmet qıyndyǵy nede, jumys mańyzdylyǵy qandaı - Aıda Balaeva áńgimelep berdi

2020 jylǵy 15 tamyz 16:38
Bólisińiz:
Memleket qyzmet qıyndyǵy nede, jumys mańyzdylyǵy qandaı - Aıda Balaeva áńgimelep berdi

NUR-SULTAN. QazAqparat - QR Aqparat jáne qoǵamdyq damý mınıstri Aıda Balaeva prezıdenttik kadrlyq rezervke kirgen jastarmen Zoom tuǵyrnamasynda onlaın rejımdegi kezdesý barysynda memlekettik qyzmette jumys isteýdiń qıyndyǵy nede ekendigin aıtyp berdi, dep habarlaıdy QazAqparat tilshisi.

Uqsas jańalyqtar

«Barlyǵyńyzdy prezıdenttik kadrlyq rezervke ótýlerińizben jáne memlekettik qyzmettiń jańa tolyq ókilderi mártebesine ıe bolýlaryńyzben taǵy bir márte quttyqtaımyn. Qoǵam sizderdiń joldaryńyzdy erekshe qyzyǵýshylyqpen qadaǵalap, nátıjeli ári tıimdi jumys kútetindigi sózsiz. Bul - óte úlken jaýapkershilik. Óıtkeni, qazirgi ýaqytta sizderden standarttan tys kreatıvti sheshimder kútip otyr. Sizderdiń kópshiligińiz memlekettik qyzmet erekshelikterimen de betpe-bet kelgen shyǵarsyzdar. Belgili bir salada úlken eńbek tájirıbesi bolǵanymen múmkindiginshe joǵary pozıtsııaǵa birden qabyldanbaı jatqandardyń da jaǵdaıyn jaqsy túsinemin. Memlekettik qyzmette 20 jyldan astam ýaqyt jumys istep, barlyq satydan ótken adam retinde árbir kezeńniń kásibı turǵyda qalyptasý úshin mańyzdy ekendigin nyq senimmen aıta alamyn. Olardyń ishindegi eń mańyzdysy - qoǵamdastyqpen júzbe-júz qyzyqty jumys», - dedi mınıstr.

Onyń atap ótýinshe, memlekettik qyzmeti barlyq áleýmettik toptardyń múddesin birdeı qorǵaýy tıis.

«Belsendi azamattyq ustanymy bar adam men memlekettik qyzmetshi arasyndaǵy aırmashylyqty aıryqsha atap ótkim keledi. Sońǵysy júıeli túrde oılaı bilýge mindetti. ıAǵnı, memlekettik qyzmetshi belgili bir áleýmettik toptyń paıdasy úshin áserge berilip sheshim qabyldamaýy tıis. Barlyǵynyń múddesin birdeı saqtaý mańyzdy. Memlekettik saıasatttyń túpkilikti máni de osynda. Árbir memlekettik qyzmetshi muny qoǵamnyń tabysty damýynyń basty kepili retinde este saqtaý tıis dep esepteımin», - dedi Aıda Balaeva.

Mınıstr kezdesý barysynda memlekettik qyzmetshi jumysynyń qıyndyǵymen erekshelikteri nede ekendigin de tarqata aıtyp berdi.

«Aldyńǵy qatarlyq daǵdyny engizgiń keletindigi túsinikti. Alaıda, keı ýaqytta memlekettik qyzmettiń bıýdjettik erekshelikteri muny jyldam jasaýǵa múmkindik bere bermeıdi. Eger Aqparat jáne qoǵamdyq damý mınıstrliginiń naqty qyzmetine kósher bolsam, stopfake.kz resýrsy paıda boldy. Bul resýrsty bizdiń rezervshimiz Aleksandr Danılov jasap shyqty. Men oǵan júginip, osyndaı resýrs qajet ekendigin aıtqan edim. Ol tez arada qıyldap, nátıjesinde resýrs paıda boldy. Jalpy, karantın kezeńi kóptegen jalǵan aqparattardyń paıda bolýyna túrtki bolǵan edi. Al onymen júıeli túrde kúresý qajet. Mundaı resýrstyń paıda bolýy zańdy edi ári jedel sheshimderdi talap etti. Resýrsymyzdyń basty ereksheligi - memlekettik qyzmetshilerdiń jedel pikiri. Bul qazirgi jaǵdaıda óte mańyzdy. Osyǵan baılanysty biz memlekettik qyzmetshi barlyq ýaqytta da jedel áreket etip, qoǵamda qobaljý týyndamaýy úshin halyqqa shynaıy ári resmı aqparatty jetkizýi tıistigin túsinýimiz qajet. Jalǵan aqparat adamnyń ómiri men densaýlyǵyna, qoǵamǵa baılanysty bolýy múmkin. Jaýapty ári sheshim qabyldaı bilý mańyzdy. Memlekettik qyzmettik kúrdeliligi men ereksheliktigi de osynda jatqan shyǵar. Óıtkeni, barlyq ýaqytta qoǵamnyń turaqtylyǵy men ál-aýqaty úshin jaýapkershilikte bolý mańyzdy», - dedi ol.

Sonymen qatar mınıstr prezıdenttik kadr rezervine kirgen jastar barlyq kedergilerdi eńserip, ózderin qoǵam kútken qyrlarynan kórsete alatyndyǵyna úmit artatyndyǵyn basa aıtty.

«Kópshiligi memlekettik qyzmetten ketip, jumys isteý múmkin emes dep aıtyp jatady. Bul oraıda erekshelikterine qaramastan, osynaý qıyndyqtardy eńsergendeı sheshimniń de jańa ádisterin usyný mańyzdy. Másele tyńdasa, onda onyń sheshimi bar degen sóz. Kóptegen bıýrokratııalyq kedergiler jaıdan jaı týyndamaǵandyǵyn túsinýińiz qajet. Jemqorlyq óte mańyzdy ári probelmaly máselege aınalyp otyr. Árıne, bul oraıda jemqorlyqtyń órshýine sebepker bolatyn adamdardyń bolmaýyn da baqylaýda ustaý kerek. Menińshe, memlekettik qyzmetten, búginde sizderdi azdap alańdatyp otyrǵan kedergilerden qorqýdyń qajeti joq. Olarǵa baıyppen qaraǵan joq. Barlyq ýaqytta da joly bar. Barlyq ýaqytta sheshim de bar. Sizder bul kedergilerdiń barlyǵyn eńserip, qoǵam kútken deńgeıden tabylatyndyqtaryńyzǵa senimdimin», - dedi Aıda Balaeva.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT