Memleket basshysynyń qatysýymen AMANAT partııasynyń sezi bastaldy
2022 jylǵy 26 sáýir 14:58

Memleket basshysynyń qatysýymen AMANAT partııasynyń sezi bastaldy

NUR-SULTAN. QazAqparat – Búgin Prezıdent Qasym-Jomart Toqaevtyń tóraǵalyǵymen AMANAT partııasynyń sezi óz jumysyn bastady, dep habarlaıdy QazAqparat tilshisi.

21 sáýirde partııanyń atqarýshy hatshysy Ashat Oralov Prezıdent osy jyldyń 26 sáýirinde kezekten tys XXIII Sezdi shaqyrý týraly sheshim qabyldaǵanyn habarlady.

Oǵan barlyq óńirlerden delegattar qatysady. Sezd onlaın formatta ótedi. Sezd barysynda «ADAL» saıası partııasynyń «AMANAT» partııasyna qosylýy týraly másele qaralady dep josparlanǵan.

Budan buryn habarlanǵandaı, ótken aptada Memleket basshysy «Amanat» partııasynyń atqarýshy hatshysy Ashat Oralovty qabyldady.

Prezıdent turǵyndarmen keri baılanys jasaý isin kúsheıtý, aımaqtarda depýtattyq fraktsııalardyń tıimdiligin arttyrý jáne partııanyń jastar qanatyn jańǵyrtý qajettigine basa mán berdi. Memleket basshysy azamattardy tolǵandyrǵan máselelerdi sheshý úshin «Amanat» partııasynda barlyq qajetti resýrs bar ekenin atap ótti.

Prezıdenttiń pikirinshe, partııanyń aımaqtyq fılıaldary osy máselede negizgi ról atqarýǵa tıis jáne óz deńgeıinde mazmundy qoǵamdyq dıalogty nyǵaıtýy qajet.

Bıyl naýryz aıynda «ADAL» partııasynyń tóraǵasy Serik Sultanǵalı partııanyń AMANAT-qa qosylý sheshimin túsindirdi.


Seriktester jańalyqtary

Jańalyqtar

Úrdis

MURAǴAT