+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Memleket basshysynyń BUU Bas Assamleıasynyń joǵary deńgeıdegi plenarlyq otyrysynda sóılegen sózi

2021 jylǵy 28 qyrkúıek 21:12
Bólisińiz:
Memleket basshysynyń  BUU Bas Assamleıasynyń joǵary deńgeıdegi plenarlyq otyrysynda sóılegen sózi

NUR-SULTAN. QazAqparat - Memleket basshysy Qasym-Jomart Toqaevtyń ıAdrolyq qarýdy tolyq joıý jolyndaǵy Halyqaralyq kúres kúnine arnalǵan joǵary deńgeıdegi plenarlyq otyrysta sóılegen sózi jarııalandy, dep habarlıdy QazAqparat Aqordaǵa silteme jasap. QazAqparat QR Prezıdenti sóziniń tolyq mátinin usynady.

Qurmetti Prezıdent myrza!

Qurmetti Bas hatshy!

Hanymdar men myrzalar!

Prezıdent myrza, osyndaı asa mańyzdy jıyn uıymdastyrǵanyńyz úshin Sizge alǵys bildiremin.

Búginde adamzat COVID-19 pandemııasynyń áserinen áli zardap shegýde. Іndet qoǵamnyń qanshalyqty álsiz ári mundaı daǵdarysqa daıyn emes ekenin kórsetip berdi.

Vırýstyń zardaby kóp jaǵdaıda aýyr ekenine qaramastan, adamzattyń shynaıy tynys-tirshiligine qaýip tóndirmeıdi. Alaıda, ony ıadrolyq qarýdyń naqty qaýpine qarsy birlesken kúsh-jigerimizdi arttyra túsý qajet ekenin bildiretin dabyl belgisi deýge bolady.

Keıbir elderde jasalyp jatqan ıadrolyq baǵdarlamalardyń qarqyn alýyn únemi tónetin terrorlyq qaýip-qatermen baılanystyratyn bolsaq, aqyrzaman ornatatyn qarýlardyń qoldanylý qaýpi arta túskenin baıqaımyz.

Degenmen, jýyrda ǵana bul baǵytta belgili bir deńgeıde oń qadamdar jasalyp jatqanyna kýá boldyq. Mysaly,

- ıAdrolyq qarýǵa tyıym salý týraly shart kúshine endi;

- Iranmen aradaǵy ıadrolyq qarýǵa qatysty mámileni qalypqa keltirý jónindegi kelissózder qaıta qaralýda;

- shabýyldaýǵa arnalǵan qarýlardy azaıtý jónindegi jańa shart uzartyldy;

- AQSh pen Reseı arasynda strategııalyq turaqtylyq týraly birlesken málimdeme qabyldandy.

Árıne, ózara joıýǵa kepildik beretin doktrına ıadrolyq derjavalardyń jýyq arada óz arsenalynan bas tartýy ekitalaı ekenin bildiredi.

Sondyqtan 2045 jylǵa deıin ıadrolyq qarýdan azat, beıbit ómir qalyptastyrýǵa umtylatynymyz týraly málimdeı otyryp, kóńildegini naqty iske asyratynymyzǵa skeptıkter kúmánmen qaraýy múmkin.

Bizdiń tarıhı tájirıbemiz munyń basqasha bolatynyn kórsetedi.

Qazaqstannyń Semeı ıadrolyq polıgonyn jabý týraly sheshim qabyldap, ıadrolyq qýaty jaǵynan tórtinshi sanalatyn arsenalynan bas tartqanyna bıyl 30 jyl toldy.

On bes jyldan keıin Ortalyq Azııa memleketteri óz óńirlerin ıadrolyq qarýdan azat aımaq dep jarııalady. Bul – tolyqtaı Soltústik jarty sharda ornalasqan alǵashqy ıadrosyz óńir.

ıAdrolyq qarý saıası tańdaý bolǵandyqtan jaǵdaı men strategııalyq ádister tez ózgerýi múmkin.

Qurmetti Prezıdent!

Qazaqstannyń ıAdrolyq synaqtarǵa jan-jaqty tyıym salý týraly sharttyń tezirek kúshine enýine qol jetkizýge bel baılaǵanyn taǵy da naqtylaımyn.

Qazaqstan adamzattyń damýy jolynda ıadrolyq qarýdan bas tartý jónindegi basymdyǵyn odan ári paıdalana beretinin bul baǵyttaǵy oń qadam retinde atap ótkim keledi.

ıAdrolyq qarýdy taratpaý jónindegi shart ıadrolyq energııany azamattyq maqsatqa zańdy túrdi paıdalaný men ıadrolyq qarýdy taratýdyń ara-jigin ajyratady.

ıAdrolyq qýat birte-birte tómen kómirtekti energııanyń mańyzdy kózine aınalýda.

Qazaqstanda óz atom ónerkásibin damytý úshin keshendi tehnıkalyq-ekonomıkalyq negizdeme jasalyp jatyr.

Hanymdar men myrzalar!

ıAdrolyq qarýdan azat, beıbit ómir qalyptastyrý meniń úkimetimniń saıasatyndaǵy basymdyq bolyp qala beredi.

Bul umtylys sońǵy otyz jyl ishinde Qazaqstandy ıadrolyq qarýǵa qarsy jahandyq qozǵalystyń jaqtaýshysy etti. Sonymen qatar bizdiń ulttyq tutastyǵymyzdyń bir bóligine aınaldy.

Biz qarýsyzdaný jáne ıadrolyq qarýdy taratpaý jolyndaǵy kúsh-jigerimizdi aldaǵy ýaqytta sizdermen birlese jumsaýǵa daıynbyz.

Raqmet!


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT