Memleket basshysy janar-jaǵarmaı baǵasyna qatysty pikir bildirdi
2022 jylǵy 11 qańtar 12:03

Memleket basshysy janar-jaǵarmaı baǵasyna qatysty pikir bildirdi

NUR-SULTAN. QazAqparat – Memleket basshysy Qasym-Jomart Toqaev janar-jaǵarmaı baǵasyn retteýge qatysty pikir bildirdi, dep habarlaıdy QazAqparat tilshisi.

«Jyldan jylǵa bizdiń azamattarymyz ben kásipkerlerimiz janar-jaǵarmaı óndirý jáne ony bólip taratý júıesiniń ashyq bolmaýynan zardap shegip keledi. Tipti, janar-jaǵarmaı baǵasyn jarty jyl boıy qoldan retteýge májbúr bolyp otyrmyz. Osy kezeńde Bas prokýratýra Básekelestikti qorǵaý jáne damý agenttigimen, sondaı-aq Energetıka mınıstrligimen birlesip, osy saladaǵy jumystardy retke keltirýge, ony reformalaý úshin keshendi usynystar ázirleýge tıis. Eger bul jumys bir jolǵa qoıylmasa, janar-jaǵarmaı baǵasyn retteý júıesi saqtalady», - dedi Memleket basshysy Parlament Májilisiniń jalpy otyrysynda.

Budan buryn habarlanǵandaı Prezıdent memlekettik jáne kvazımemlekettik sektordyń satyp alýy salasynda karteldi kelisimder jasasý keńinen tarap ketkenin aıtty.

Avtor:
Tilshi

Jańalyqtar

MURAǴAT