Memleket basshysy jańadan ashylǵan ıadrolyq medıtsına ortalyǵymen tanysty
2022 jylǵy 15 tamyz 14:57

Memleket basshysy jańadan ashylǵan ıadrolyq medıtsına ortalyǵymen tanysty

NUR-SULTAN. QazAqparat - Qasym-Jomart Toqaev QR Prezıdentiniń Іs Basqarmasy Medıtsınalyq ortalyǵynyń aýrýhanasyna baryp, jańa nysandary – ıAdrolyq medıtsına ortalyǵy men emdik-dıagnostıkalyq blokpen tanysty, dep habarlaıdy QazAqparat BORT№1 Telegram-arnasyna silteme jasap.

Prezıdentke aldymen qyrkúıek aıynda ashylatyn ıAdrolyq medıtsına ortalyǵynyń dıagnostıka blogy tanystyryldy. ıAdrolyq medıtsına ortalyǵynyń iske qosylǵan kezde dıagnozyn qoıý qıyn qaterli isik aýrýlaryn, sondaı-aq kardıologııa jáne nevrologııa aýrýlaryn erte kezeńinde anyqtaıdy. Zamanaýı jabdyqtarmen qamtamasyz etilgen jańa ortalyqtyń qyzmeti – emdelýge joldama berilgen árbir qazaqstandyqqa ortaq.

Bul ortalyqtyń ereksheligi – qazirgi kezde álemdik medıtsına ındýstrııasynda qoljetimdi pozıtrondy emıssııalyq kompıýter tomografııasy. Skanerleý jyldamdyǵy joǵary bul apparat dıagnoz qoıý sapasyn arttyrady. PET/KT zertteýinen ótetin patsıentterdiń sanyn jylyna 3 myńnan 7 myńǵa deıin arttyrady. Mamandardyń aıtýynsha, qazirgi ýaqytta bul apparattyń Ortalyq Azııa men TMD elderinde balamasy joq.

Qasym-Jomart Toqaevqa tsıklotrondy-óndiristik keshen men dıagnostıkalyq bloktan turatyn biregeı ıAdrolyq medıtsına ortalyǵynyń basqa da múmkindikteri týraly baıandaldy. Atap aıtqanda tsıklotrondy keshen arqyly 9 radıofarmpreparat óndirisine jol ashylmaq. Qazaqstanda bul preparattardyń segizi buryn óndirilmegen.


Memleket basshysy jańa emdeý-dıagnostıkalyq blokty aralap kórdi. Bul jerde kúrdeli aýrýlarǵa shaldyqqan naýqastardy emdeý men ońaltýdyń tásilderi arqyly 7 terapııalyq bólimshe jumys isteıdi.

Prezıdent dárigerlermen jáne ǵalymdarmen pikirlesip, ıAdrolyq medıtsına ortalyǵynyń qyzmeti búkil elimiz úshin aıtýly oqıǵa bolatynyn atap ótti. Qasym-Jomart Toqaev ortalyq qyzmeti azamattardyń densaýlyǵyn jaqsartýǵa jáne qazaqstandyqtar úshin zamanaýı medıtsınalyq tehnologııalardyń qoljetimdiligin arttyrýǵa qyzmet etetinine senetinin jetkizdi.


Foto: akorda.kz





Uqsas jańalyqtar
Seriktester jańalyqtary

Jańalyqtar

Úrdis

MURAǴAT