+7 (701) 759 90 19
USD 432.23 EUR 506.79
RUB 5.45 CNY 64.44
Jańalyqtar

Memleket basshysy volonterlerdi jumyldyrýdyń halyqaralyq jylyn jarııalaýdy usyndy

2020 jylǵy 23 qyrkúıek 20:27
Bólisińiz:
Memleket basshysy volonterlerdi jumyldyrýdyń halyqaralyq jylyn jarııalaýdy usyndy

NUR-SULTAN. QazAqparat - Eriktilerdiń aıryqsha róliniń belgisi retinde BUU-ǵa Damý maqsatynda volonterlerdi jumyldyrýdyń halyqaralyq jylyn jarııalaý kerek. Bul týraly BUU Bas Assambleıasy 75-sessııasynyń jalpy saıası debattarynda sóz sóılegen QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Azamattarymyz 2030 jylǵa deıingi ornyqty damýdyń kún tártibi sheńberinde qol jetkizgen naqty nátıjelerden zor úmit kútedi. Ornyqty damýdyń maqsattaryna qol jetkizý jónindegi is-qımyldardyń onjyldyǵy aıasynda atqarylatyn birlesken is-áreketterdiń burynǵy qarqynyn qaıta qalpyna keltirý úshin jedel ári úılesimdi jumys júrgizý qajet. Bul bizdiń urpaǵymyz úshin aldaǵy eń mańyzdy onjyldyq bolyp tabylady. Basty maqsatqa, ıaǵnı álemdegi ashtyqty tolyq joıýǵa qol jetkizýimiz kerek. Osyǵan baılanysty biz 2021 jyly Azyq-túlik júıeleri jóninde sammıt ótkizýdiń mańyzdylyǵyn atap ótemiz», - dedi Memleket basshysy.

Qasym-Jomart Toqaev Qazaqstannyń bastamasymen qurylǵan Azyq-túlik qaýipsizdigi jónindegi Islam uıymy azyq-túlik qorlaryn qurý arqyly aýqymdy halyqaralyq gýmanıtarlyq naýqanǵa óz úlesin qosýǵa daıyn ekendigin basa aıtty.

«Biz birde-bir adamdy, ásirese, daǵdarystyń taýqymetin tartqan áıelderdi, jastardy, balalardy, qarttardy, múgedekterdi qoldaýsyz jáne kómeksiz qaldyrmaý jónindegi mindetimizdi naqtylaýǵa tıispiz. «Urpaqtyń azyp-tozýyna alyp keletin apatty» boldyrmaý úshin bilim berý júıesi tarıhyndaǵy eń úlken toqyraýǵa jol bermeýimiz kerek»,- dedi QR Prezıdenti.

Memleket basshysy qazirgi zamandaǵy ózekti máselelerdi tıimdi sheshýge azamattyq qoǵam men jeke sektordyń belsendi atsalysýy óte mańyzdy ekendigine de aıryqsha nazar aýdardy.

«Bıyl volonterlik qozǵalystyń búkil álem halqynyń yntymaqtastyǵyna serpin bergenine kýá boldyq. Eriktilerdiń aıryqsha róliniń belgisi retinde BUU-ǵa Damý maqsatynda volonterlerdi jumyldyrýdyń halyqaralyq jylyn jarııalaýdy usynamyn. Bıyl Qazaqstanda volonterler jyly dep jarııalandy», - dedi Qasym-Jomart Toqaev.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT