+7 (701) 759 90 19
USD 408.61 EUR 454.09
RUB 5.86 CNY 57.28
Jańalyqtar

Memleket basshysy soǵys ardageri jazǵan hatqa jaýap berdi

2020 jylǵy 27 aqpan 15:30
Bólisińiz:
Memleket basshysy soǵys ardageri jazǵan hatqa jaýap berdi

ALMATY. QazAqparat – QR Prezıdenti Qasym-Jomart Toqaev Almaty turǵyny, Ekinshi dúnıejúzilik soǵys ardageri Qaıyrly Jońqabaevtyń jazǵan hatyna jaýap berdi, dep habarlaıdy QazAqparat tilshisi.

Maıdanger hatta Іshki ister mınıstri Erlan Turǵymbaevtyń sheshimimen Qazaqstan Respýblıkasynyń Ulttyq ulany uıymdastyryp jatqan «Biz – Jeńistiń muragerimiz!» atty taǵzym estafetasy úshin alǵys aıtqan bolatyn. Kalınıngrad maıdanynda, Máskeý túbindegi jáne Rjev shaıqasyna qatysyp, alapat soǵystyń bar taýqymetin kórgen 99 jastaǵy ardagerge Prezıdenttiń sálemdemesin Ulttyq ulan «Ońtústik» óńirlik qolbasshysynyń orynbasary polkovnık Nııaztaı Álkeshev tabys etti.


« Qurmetti Qaıyrly Ýataıuly! Іzgi tilekpen jáne ystyq yqylaspen jazǵan hatyńyzdy aldym. Jyly lebizińiz úshin shyn kóńilmen alǵysymdy bildiremin. Bıyl elimizde Uly Jeńistiń 75 jyldyǵy keń kólemde atalyp ótedi. Bul – eń aldymen, ózińiz sııaqty ardagerlerimizge kórsetken qurmetimiz. Sizderdiń zulmat jyldardaǵy erlikterińiz eshqashan umytylmaıdy. Soǵystan keıingi adal eńbekterińiz de óskeleń urpaq úshin árdaıym úlgi-ónege. Sizder Qazaqstannyń táýelsiz memleket retinde qalyptasýyna zor úles qostyńyzdar. Sondyqtan ózderińizdi ardaqtap, erlikterińizdi dáripteý – azamattyq ári perzenttik boryshymyz.Sizge zor densaýlyq, áýletińizge amandyq tileımin!

Júzge jetip, ǵasyr toıyn toılańyz! Urpaǵyńyzben myń jasańyz!»,- dep jazylǵan Prezıdent joldaǵan hatta.


Memleket basshysynyń ózinen hat alǵan qarııanyń kóńili shalqyp, rıza bolyp qaldy.

«Qurmetterińe raqmet, aınalaıyndar! Elbasymyz aman bolsyn, Maǵan ýaqytyn bólip lebizin bildirgen Prezıdentimizge óte rızamyn, aman bolsyn! Elimiz úshin atqaryp jatqan qyzmeti baıandy bolyp, úlken jetistikterge jeteıik. Elimizde tynyshtyq bolsyn. Respýblıkamyz damı bersin, ekonomıkamyz óssin, damyǵan memlekettermen terezemiz teń bolsyn. Keleshek jastardyń qolynda. Olar sony bilý kerek, eń aldymen bilim alý kerek», - dedi ardager.


Bizdiń kanalymyzǵa jazylyńyz:

Bólisińiz:

Avtor:

Alma Muqanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT