+7 (701) 759 90 19
USD 428.07 EUR 507.61
RUB 5.62 CNY 65.15
Jańalyqtar

Memleket basshysy reformalaýdyń mańyzdy baǵyttarynda 6 jumys tobyn qurýdy usyndy

2020 jylǵy 21 qazan 20:26
Bólisińiz:
Memleket basshysy reformalaýdyń mańyzdy baǵyttarynda 6 jumys tobyn qurýdy usyndy

NUR-SULTAN. QazAqparat - Búgin Aqordada ótken Reformalar jónindegi joǵary keńestiń birinshi otyrysynda QR Prezıdenti Qasym-Jomart Toqaev reformalaýdyń árbir mańyzdy baǵytynda 6 jumys tobyn qurýdy usyndy, dep habarlaıdy QazAqparat tilshisi.

Memleket basshysy keńes aıasynda reformalaýdyń árbir mańyzdy baǵyty boıynsha 6 jumys tobyn qurýdy usyndy. Jumys toptarynyń quramyna keńes múshelerinen bólek, laýazymdy tulǵalar, qoǵamdyq uıymdardyń ókilderi, halyqaralyq jáne otandyq táýelsiz sarapshylardyń kirý múmkindigi bar.

Qasym-Jomart Toqaev birinshi top retinde Sýma Chakrabartıdiń basshylyǵymen tıimdi makroekonomıkalyq saıasat tobyn qurýdy usyndy. Bul top aqsha-nesıe jáne bıýdjet saıasatynyń tıimdiligi, salyq júıesi, qarjy sektorynyń turaqtylyǵyn qamtamasyz etý sııaqty mindetterdi iske asyrýdy kózdeýi kerek.

Ekinshi top, Prezıdent Ákimshiliginiń Basshysy Erlan Qoshanovtyń jetekshiligimen sot jáne quqyq qorǵaý júıesin reformalaýmen aınalysýy qajet. Prezıdent atalǵan baǵytta aýqymdy jumys atqarý kerek dep sanaıdy. Sondyqtan kózboıaýshylyqqa jol berilmeýi tıis.

Memleket basshysy áleýmettik salany qaıta jańǵyrtýǵa arnaıy top jumyldyrylatynyn aıtty. Ol óziniń tikeleı tapsyrmasymen Qazaqstan úshin múlde jańa qujat, atap aıtqanda, Áleýmettik kodekstiń ázirlenip jatqanyna toqtaldy.

«Shyn máninde, bul qujat jekelegen adam men memleket arasyndaǵy qarym-qatynasty júıeleýge, olardyń ózara mindettemelerin aıqyndaýǵa, sondaı-aq, qazaqstandyqtarǵa beriletin tómengi áleýmettik kepildikterdi naqtylaýǵa arnalǵan. ıAǵnı, qujatta azamattardyń balabaqshaǵa barǵannan zeınetke shyqqanǵa deıingi ómiri tolyq qamtylǵan», – dedi Qasym-Jomart Toqaev.

Sonymen qatar ekonomıkany ártaraptandyrý boıynsha da top qurylady. Memleket basshysy elimiz úshin budan basqa jol joq ekenine senimdi. Degenmen, onyń pikirinshe, naqty jumys isteıtin tetikter áli de jetkiliksiz.

«Ázirge shıkizat óndirý, alyp-satýmen aınalysý jáne memlekettik tapsyrysqa «ıek artyp otyrý» áldeqaıda tıimdi«, – dedi Memleket basshysy.

Joǵaryda atalǵan eki toptyń jumysy Premer-Mınıstrdiń basshylyǵymen uıymdastyrylady.

Besinshi toptaǵy Úkimet pen «Atameken» Ulttyq kásipkerler palatasynyń ókilderi bıznesti retteý máselelerimen aınalysady.

Prezıdent Ákimshiligi Basshysynyń orynbasary Tımýr Súleımenov basqaratyn altynshy top zamanaýı memlekettik basqarý jáne tıimdi memlekettik qyzmet máselelerin baqylaýǵa alatyn bolady.

«Bizdiń aldymyzda memlekettik apparatty jańa sapaly deńgeıge kóterý máselesi tur. Ol naqty nátıjelerge qol jetkizý úshin ózine jaýapkershilik alatyn, qandaı da bir sheshim qabyldaǵanda meılinshe ıkemdi ári quzyretti bolýy kerek. Bul jerde kóp nárse zamanaýı tsıfrlyq tehnologııalardy engizýge baılanysty. Atalǵan máselede eshqandaı kedergi bolmaýy tıis», – dedi Memleket basshysy.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT