+7 (701) 759 90 19
USD 418.67 EUR 507.64
RUB 5.71 CNY 64.74
Jańalyqtar

Memleket basshysy Pavlodar oblysynyń ákimi laýazymyna Ábilqaıyr Sqaqovty taǵaıyndady

2020 jylǵy 21 qańtar 08:15
Bólisińiz:
Memleket basshysy Pavlodar oblysynyń ákimi laýazymyna Ábilqaıyr Sqaqovty taǵaıyndady

NUR-SULTAN. QazAqparat – QR Prezıdenti Qasym-Jomart Toqaevtyń Jarlyǵymen Ábilqaıyr Baqtybaıuly Sqaqov Pavlodar oblysynyń ákimi qyzmetine taǵaıyndaldy.

Qujat mátini Aqorda saıtynda jarııalandy, dep habarlaıdy QazAqparat.

Aıta keteıik, Memleket basshysynyń Jarlyǵymen ústinen qylmystyq is qozǵalǵan Bolat Baqaýov Pavlodar oblysynyń ákimi qyzmetinen bosatyldy.

Ábilqaıyr Sqaqov 1974 jyly Pavlodar oblysynda týǵan.

Aqmola qarjy-ekonomıkalyq tehnıkýmyn (salyq boıynsha qarjyger, 1995 jyl); Shákárim atyndaǵy Semeı memlekettik ýnıversıtetin (ekonomıst jáne qarjyger, 2000 jyl); Qazaq quqyqtaný jáne halyqaralyq qatynastar ınstıtýtyn (bakalavr-zańger, 2004 jyl); M. V. Lomonosov atyndaǵy Máskeý memlekettik ýnıversıtetin («Master of Business Administration» iskerlik ákimshilik sheberiniń dárejesi,2017 jyl) aıaqtaǵan.

Eńbek ótili:

- 1995 jyldan 2005 jylǵa deıin - Pavlodar oblysy boıynsha salyq ınspektsııasynyń mamany, salyq ınspektory, aǵa salyq ınspektory, bólim bastyǵy, Pavlodar qalasy boıynsha Salyq komıteti tóraǵasynyń orynbasary;

- 2005-2006 jyldary - Pavlodar oblysy Qashyr aýdany boıynsha Salyq komıtetiniń tóraǵasy;

- 2006-2008 jyldary - Pavlodar oblysy Densaýlyq saqtaý departamenti dırektorynyń orynbasary (ekonomıka jáne qarjy boıynsha);

- 2008-2010 jyldary - Pavlodar oblysy boıynsha Salyq departamentiniń Pavlodar qalasy boıynsha salyq basqarmasynyń bastyǵy;

- 2010-2012 jyldary - Qostanaı oblysy boıynsha Salyq departamentiniń bastyǵy:

- 2012-2014 jyldary - Qazaqstan Respýblıkasy Qarjy mınıstrliginiń Salyq komıteti tóraǵasynyń orynbasary;

- 2014 jyldan 2016 jylǵa deıin - Astana qalasy boıynsha Memlekettik kirister departamentiniń basshysy;

- 2016 jylǵy 1 jeltoqsannan – 2019 jyldyń sáýirine deıin – Qorǵanys mınıstriniń orynbasary (ekonomıka jáne qarjy boıynsha).

- 2019 jyldyń sáýirinen sońǵy taǵaıyndaýǵa deıin QR Qarjy mınıstrligi Qarjy monıtorıngi komıtetiniń tóraǵasy.

Memlekettik jáne vedomstvolyq nagradalary:

Tós belgiler: «Qazaqstan Respýblıkasynyń táýelsizdigine 20 jyl» (2011), «Ereń eńbegi úshin» (2014); Salyq qyzmetiniń úzdigi (2011), Qarjy qyzmetiniń úzdigi (2012), Memlekettik qyzmet úzdigi (2014).



Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT