+7 (701) 759 90 19
USD 425.59 EUR 505.43
RUB 5.61 CNY 64.83
Jańalyqtar

Memleket basshysy Maǵzum Myrzaǵalıevti qabyldady

2020 jylǵy 20 qazan 19:26
Bólisińiz:
Memleket basshysy Maǵzum Myrzaǵalıevti qabyldady

NUR-SULTAN. QazAqparat - Qasym-Jomart Toqaevqa Ekologııa, geologııa jáne tabıǵı resýrstar mınıstrliginiń bıylǵy 9 aıda atqarǵan jumystarynyń negizgi baǵyttary jóninde esep berildi, dep habarlaıdy Aqordanyń baspasóz qyzmeti.

Maǵzum Myrzaǵalıev Prezıdentke Ekologııa kodeksiniń Májiliste qaralyp jatqany týraly egjeı-tegjeıli baıandady. Memleket basshysy atalǵan qujatqa oń baǵa berip, elimizdegi ekologııalyq jaǵdaıdy jaqsartýǵa baǵyttalǵan jańalyqtardy atap ótti. Qasym-Jomart Toqaevtyń pikirinshe, bul qujattyń aıryqsha mańyzdylyǵy qoǵamdy tabıǵatty aıalaýǵa shaqyrý jáne aýany lastaıtyn zııandy zattardyń kólemin azaıtýǵa baılanysty.

Ekologııa, geologııa jáne tabıǵı resýrstar mınıstri Prezıdentke bıylǵy vegetatsııalyq kezeńniń ótýi jáne sý resýrstarynyń jaǵdaıy týraly málimet berdi. Onyń aıtýynsha, bıyl sý deńgeıiniń tómen bolýyna jáne sý tapshylyǵy qaýpine qaramastan vegetatsııalyq kezeń salystyrmaly túrde turaqty ótti.

Sonymen qatar Memleket basshysyna sý salasyn tsıfrlandyrý týraly baıandaldy. Maǵzum Myrzaǵalıev Túrkistan oblysy Maqtaaral aýdanynda sý arnasyn tsıfrlandyrýdyń pılottyq jobasynyń aıaqtalǵany týraly aıtty. Bul sý shyǵynyn aıtarlyqtaı azaıtýǵa múmkindik berdi. Osy rette, Prezıdent sýdy tıimdi paıdalaný qajettigine nazar aýdardy.

Budan bólek Qasym-Jomart Toqaevqa balyq sharýashylyǵynyń jaǵdaıy jáne osy baǵytty damytýdyń salalyq baǵdarlamasynyń ázirlený barysy týraly aqparat berildi. Mınıstrdiń aıtýynsha, Qazaqstan sý qoımalarynyń áleýeti balyq ósirý kólemin jylyna 7,5 myń tonnadan 600 myń tonnaǵa deıin arttyrýǵa múmkindik beredi. Bul balyq eksportyn 300 myń tonnaǵa deıin ulǵaıtýǵa yqpal etedi.

Kezdesý sońynda Qasym-Jomart Toqaev Maǵzum Myrzaǵalıevke birqatar naqty tapsyrma berdi.


Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT