+7 (701) 759 90 19
USD 432.23 EUR 506.79
RUB 5.45 CNY 64.44
Jańalyqtar

Memleket basshysy Qostanaı oblysyndaǵy «Mılh» kásipornyna bardy

2020 jylǵy 10 qyrkúıek 14:26
Bólisińiz:
Memleket basshysy Qostanaı oblysyndaǵy «Mılh» kásipornyna bardy

QOSTANAI. QazAqparat - Memleket basshysy Qasym-Jomart Toqaev Qostanaı oblysyndaǵy balmuzdaq jáne ashytylǵan sút ónimderin óndiretin «Mılh» jaýapkershiligi shekteýli seriktestiginiń óndirisimen tanysty, dep habarlaıdy Aqorda.

Prezıdentke pasterlengen sút óndirisi men qaıta óńdeıtin zamanaýı jabdyqtar kórsetildi. Kásiporyn táýligine 130-150 tonna sút óńdeýge qaýqarly.


Kásiporyn sút ónimderiniń 120-dan astam túrin shyǵarady, olardyń 30% Reseıdiń shekaralas aımaqtaryna eksporttalady. Óndiriste 710 adam turaqty túrde jumys isteıdi. Shıkizatty oblystaǵy 12 myńnan astam jeke sharýa qojalyqtarynan satyp alynady.


Qasym-Jomart Toqaev kompanııanyń óndiris qarqynyn arttyrýdyń josparymen tanysyp, sapaly ári básekege qabiletti ónim shyǵarýǵa múmkindik beretin zamanaýı tehnologııalardy engizýdiń mańyzdylyǵyn atap ótti.


Prezıdent Qazaqstan halqyna arnaǵan Joldaýynda agroónerkásip keshenin damytýǵa qatysty birqatar mindetter qoıǵan bolatyn. Búgin kásipkerlerdi Joldaýdy júzege asyrýda belsendilik tanytýǵa shaqyrdy.


«Joldaýdyń ár sózin oı eleginen ótkizip otyryp, jumys istedim. Bul qujat meniń óz qalamymnan shyqty. Artyq aıtylǵan eshteńe joq, bárin iske asyrýǵa bolady. Barlyq basshylardy, kásipkerlerdi Joldaýdy tolyq júzege asyrýǵa belsendi atsalysýǵa shaqyramyn», - dedi Qasym-Jomart Toqaev.


Prezıdent Jumyspen qamtýdyń jol kartasyn iske asyrýdyń da mańyzdy ekenin atap ótti.

«Jumyspen qamtýdyń jol kartasy memleket pen Úkimetke qoıylǵan mindetterdi júzege asyrý turǵysynan óte mańyzdy. Belgili sebepterge baılanysty sheshimin tappaǵan kóptegen mindetter, qazirgi ýaqytta, Jumyspen qamtýdyń jol kartasy arqyly oryndalýda. Turǵyn úı kommýnaldyq sharýashylyǵy da, áleýmettik ınfraqurylym máseleleri de sheshimin taýyp keledi», – dedi Prezıdent.

Memleket basshysy sóz sońynda kásiporyn basshylyǵyna qaıyrymdylyq jáne áleýmettik jobalardy iske asyrǵany úshin alǵys bildirdi. Kezdesýge qatysýshylar Prezıdent bastamasy boıynsha ótkizilip otyrǵan reformalarǵa qoldaý bildirip, Joldaýda aıtylǵan maqsattarǵa qol jetkizýge belsendi atsalysýǵa daıyn ekenderin aıtty.

Eske salsaq, búgin Memleket basshysy Qasym-Jomart Toqaevtyń Qostanaı oblysyna jumys sapary bastaldy.



Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT