+7 (701) 759 90 19
USD 375.91 EUR 416.85
RUB 6.10 CNY 54.77
Jańalyqtar

Memleket basshysy: Qos bılik, tandem joq - zańdy saılanǵan Prezıdent bar

2019 jylǵy 4 jeltoqsan 17:48
Bólisińiz:
Memleket basshysy: Qos bılik, tandem joq - zańdy saılanǵan Prezıdent bar

NUR-SULTAN. QazAqparat – Memleket basshysy Qasym-Jomart Toqaev 5-6 jeltoqsan kúnderi Germanııaǵa memlekettik sapary qarsańynda Deutsche Welle teleradıokompanııasyna suhbat berdi, dep habarlaıdy QazAqparat.

Suhbat barysynda Qazaqstan Prezıdenti tilshiniń elimizdegi qos bılik tóńiregindegi alyp-qashpa qaýesetke naqty jaýabyn berdi.

«Reseıdegi bılikti berýge qatysty aıtý men úshin qıyn. Sebebi ol basqa memleket. Qazaqstanǵa qatysty aıtar bolsam, bul jerde ózinshe bólek saıası ınnovatsııa oryn aldy. Nursultan Nazarbaev - zor qurmetke laıyqty adam, Ult kóshbasshysy, Qazaqstan Respýblıkasynyń negizin quraýshy. Men zańdy saılanǵan Prezıdent, Memleket basshysy, Joǵarǵy bas qolbasshy sanalamyn. Bizdiń aramyzda eshqandaı qarama-qarsylyq (keıde baspasóz bul taqyrypta qaýesetti kópirtýge qumar) joq. Bir-birimizben aqyldasyp otyratyndyǵymyzdy, tipti keıde men onyń keńesin suraıtyndyǵymdy da jasyrmaımyn. Bul jerde qos bılik, tandem joq – zańdy saılanǵan Prezıdent bar», - dedi Qasym-Jomart Toqaev.

Sondaı-aq, Prezıdent suhbat barysynda Germanııaǵa memlekettik sapary barysynda 2 mlrd dollardyń kelisimine úmit artatynyn jetkizdi.

«Qazaqstan úshin Germanııa negizgi eýropalyq seriktes sanalady. Germanııanyń Ortalyq Azııamen saýda-sattyǵynyń 86 paıyzy Qazaqstanǵa tıesili. Sapar barysynda boljamdy baǵalaýǵa sáıkes shamamen 2 mlrd dollar bolatyn kelisimder men memorandýmdar toptamasyna qol qoıylady dep úmittenemin. Jalpy, Qazaqstannyń Eýropalyq odaqpen qarym-qatynasy tek qana oń. 2018 jyly Qazaqstannyń EO-men saýda-sattyǵynyń kólemi 37 mlrd dollardan asyp jyǵyldy. Bul elimizdiń barlyq syrtqy saýda aınalymynyń jartysyna teń. Bizdiń ekonomıkamyzdaǵy german ınvestıtsııasynyń 80 paıyzdan astamy shıkizattyq emes sektorǵa salynǵan. Bul óte mańyzdy», - dedi Memleket basshysy.

Qazaqstan Prezıdenti Germanııa búginde mashına jasaý, resýrstyq materıaldardy qaıta óńdeý syndy salalarda kóshbasshy bolyp otyrǵandyǵyna nazar aýdartady.

«Sondyqtan biz yntymaqtastyqqa múddelimiz. Demek, barlyq qyzyqty salalar nemistiń áleýetti ınvestorlaryna usynylatyn bolady. Buǵan qosa, biz olarǵa arnaıy sharttar, ózimizdiń ondaǵan arnaıy ekonomıkalyq aımaǵymyzdan alań usynamyz», - dedi Qasym-Jomart Toqaev.

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT