+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Memleket basshysy Koreıa Respýblıkasynyń SІM basshysyn qabyldady

2019 jylǵy 16 qazan 17:53
Bólisińiz:
Memleket basshysy Koreıa Respýblıkasynyń SІM basshysyn qabyldady

NUR-SULTAN. QazAqparat - Qazaqstan Prezıdenti Qasym-Jomart Toqaev Nur-Sultan qalasynda ótip jatqan «Ortalyq Azııa – Koreıa Respýblıkasy» forýmynyń 12-otyrysyna qatysýǵa kelgen Koreıa Respýblıkasynyń Syrtqy ister mınıstri Kan Gen Hvany qabyldady.

Bul týraly Aqordanyń baspasóz qyzmeti habarlady.

Taraptar ekijaqty strategııalyq seriktestiktiń qazirgi ahýaly men perspektıvasy, sondaı-aq, joǵary deńgeıde jasalǵan ýaǵdalastyqtardyń júzege asý barysy jaıynda pikir almasty.

Memleket basshysy Qazaqstan men Ońtústik Koreıa arasyndaǵy saýda-ınvestıtsııalyq jáne tehnologııalyq qarym-qatynastardyń, sonymen qatar, mádenı-gýmanıtarlyq baılanystardyń qarqyny joǵary ekenin atap ótti.

– Prezıdent Mýn Chje Inniń sáýir aıyndaǵy sapary óte jemisti boldy. Sapar barysynda qol qoıylǵan «Samal jel» baǵdarlamasy eki el arasyndaǵy yntymaqtastyqtyń damýyna tyń serpin beredi dep sanaımyz. Biz ekonomıka jáne bıznes salalary boıynsha yqpaldastyqty odan ári arttyra berýge nıettimiz,– dedi Qasym-Jomart Toqaev.

Óz kezeginde ońtústik koreıalyq dıplomat óz eliniń Prezıdenti Mýn Chje Inniń sálemin jetkizip, Qazaqstanmen seriktestikti ekijaqty, sondaı-aq, óńirlik negizde de ári qaraı damytýǵa daıyn ekenderin rastady.

– Kelesi jyly bizdiń elimizge jasaıtyn saparyńyzdy asyǵa kútemiz. Bizdiń Prezıdentimizdiń Qazaqstanǵa jasaǵan saparynyń nátıjesi óte jemisti boldy. Osy sapar aıasynda qol jetkizilgen ýaǵdalastyqtar ózara yqpaldastyqty odan ári nyǵaıtýdyń naqty baǵyttaryn aıqyndady. Ony eki memlekettiń tıisti organdary sátti iske asyryp jatyr. Barlyq másele óz jolymen damýda. Sizdiń Ońtústik Koreıaǵa jasaıtyn saparyńyz yntymaqtastyǵymyzdyń jańa kókjıekterin ashady dep senemiz jáne ol úshin barlyq kúsh-jigerimizdi jumsaımyz,– dedi Kan Gen Hva.

Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT