+7 (701) 759 90 19
USD 421.91 EUR 511.57
RUB 5.59 CNY 65.2
Jańalyqtar

Memleket basshysy: Qazaqstannyń turaqty damý turǵysynan múmkindigi mol

2020 jylǵy 25 qarasha 18:16
Bólisińiz:
Memleket basshysy: Qazaqstannyń turaqty damý turǵysynan múmkindigi mol

NUR-SULTAN. QazAqparat - Memleket basshysy Qasym-Jomart Toqaev Nur Otan partııasynyń kezekten tys HH sezine qatysty, dep habarlaıdy Aqorda.

Qasym-Jomart Toqaev Qazaqstannyń Tuńǵysh Prezıdenti – Elbasy Nursultan Nazarbaevtyń tóraǵalyǵymen ótken Nur Otan partııasynyń kezekten tys HH quryltaıyna qatysty.

Sezd delegattary aldynda sóılegen sózinde Qazaqstan Prezıdenti

Nur Otan partııasy búginde el taǵdyryna jaýapty eń basty saıası kúshke aınalǵanyn atap ótti.

Memleket basshysy Qazaqstan qazirgi ahýalǵa qaramastan strategııalyq damý maqsattaryn dáıekti túrde júzege asyryp jatqanyn aıtty. Bul rette, Elbasy saıasatynyń sabaqtastyǵyn qamtamasyz etý – negizgi mindettiń biri. Qasym-Jomart Toqaev bıylǵy Joldaýynda Nur Otan partııasynyń qoǵamdaǵy jetekshilik róline joǵary baǵa bergenine toqtaldy.

Qazaqstan Prezıdentiniń aıtýynsha, álem ǵalamdyq ózgerister dáýirine aıaq basyp, halyqaralyq qatynastar júıesi belgisizdik jaǵdaıyna, tipti, beıbereketsizdikke bet burýda. Memleket basshysy ótken ǵasyrdaǵy tereń retsessııa álemdik ekonomıkany on jylǵa artqa laqtyryp tastaǵanyn, al burynǵy ósý qarqyny men turaqty damýdy qalpyna keltirý úshin úlken kúsh pen ýaqyt qajet ekenin jetkizdi.

«Qazaqstannyń turaqty damý turǵysynan múmkindigi mol. Sebebi bizde, eń aldymen, naqty damý jospary bar. Ony júzege asyrýǵa qarjylyq resýrsymyz da jetkilikti. Jaýapkershilikti sezine alatyn mıllıondaǵan azamattardyń qoldaýynyń arqasynda biz ishki saıası turaqtylyqty saqtap, bıznes qoǵamdastyqty qoldap, memlekettiń barlyq áleýmettik mindettemelerin oryndaı alýyn qamtamasyz ete aldyq. Bizdiń buǵan qol jetkizýimizde halqymyzdyń dástúrli qundylyqtary, ózara járdemdesý, tabandylyq pen janashyrlyq sekildi qasıetteri erekshe ról atqardy», – dedi Memleket basshysy.

Qasym-Jomart Toqaev koronavırýs pandemııasymen kúreske halyqtyń úlken úles qosqanyn atap ótip, sondaı qıyn-qystaý shaqta el azamattary shynaıy yntymaqtastyq pen jappaı janqııarlyq tanytqanyn aıtty. Onyń sózinshe, «Biz birgemiz» urany qazaqstandyq patrıotızmniń formýlasyna aınaldy.

Qazaqstan Prezıdenti daǵdarys kezinde basqarýshy partııanyń da, Úkimettiń de, sondaı-aq, búkil qoǵamnyń da aldynan úlken múmkindikter ashylatynyn aıtty.

«Osy tarıhı múmkindikti paıdalaný úshin biz elimizge damýdyń jańa paradıgmasyn usynýymyz qajet. Bul jerde Prezıdent, Úkimet jáne zań shyǵarýshy sala sııaqty bılik tarmaqtary kúsh jumyldyrýy kerek. Sondyqtan aldaǵy saılaý búkil qoǵam úshin óte mańyzdy bolmaq», – dedi Memleket basshysy.

Sonymen qatar Qasym-Jomart Toqaev Elbasy qalyptastyrǵan Bes ınstıtýtsıonaldy reforma men Ult josparyn júıeli jańǵyrtýǵa tyń serpin berýge shaqyrdy.

«Osy maqsatta biz 2025 jylǵa deıingi «Ózgerister joly: Ár azamatqa laıyqty ómir!» atty saılaýaldy baǵdarlamasyn qabyldaımyz. Bul egjeı-tegjeıli zerdelengen, shynaıy qujat. Ekonomıkadaǵy qıyndyqtarǵa qaramastan, Nur Otan Úkimetpen birge aldaǵy bes jyldyqta atalǵan baǵdarlamany júzege asyrý úshin 21 trıllıon teńge bólýdi josparlap otyr. Baǵdarlama elimizdiń áleýmettik damýyn ilgeriletýge jáne halyqtyń ál-aýqatyn arttyrýǵa baǵyttalǵan naqty sharalardyń tıimdi keshenin qamtıdy. Partııa jurtshylyq tarapynan kelip túsken barlyq usynystar men talap-tilekterdi eskerdi. Bizdiń baǵdarlamany búkil elimiz daıyndady desek, artyq aıtqandyq emes», – dedi Prezıdent.

Qasym-Jomart Toqaev atalǵan baǵdarlamany júzege asyrý úshin negizgi tórt basymdyqqa nazar aýdarylatynyn atap ótti.

Memleket basshysy birinshi mindet retinde ár azamatqa óz áleýetin iske asyrý úshin teń múmkindik beriletinin jetkizdi.

Prezıdent aldaǵy bes jyl ishinde áleýmettik tólemderdi ındeksteý úshin 3 trıllıon teńgeden astam qarjy bólinetinin málimdedi. Zeınetaqy mólsheri de jyl saıyn ındeksteletin bolady. Bul rette onyń ósim mólsheri ınflıatsııa deńgeıinen eki paıyzǵa kóp bolýy tıis.

Memleket basshysy densaýlyǵy myqty ıntellektýaldy ult qalyptastyrýdy partııa baǵdarlamasyndaǵy ekinshi basymdyq retinde atady. Jahandyq jańa syn-qaterlerdi eskere otyryp, bul baǵytty ilgeriletý úshin bilim, ǵylym, densaýlyq saqtaý, mádenıet jáne sport salalaryna bólinetin qarajat kóbeıedi.

«Bul – adamı kapıtalǵa, elimizdiń bolashaǵyna quıylǵan strategııalyq ınvestıtsııa. Densaýlyq saqtaý isine bólinetin qarjy kólemi ishki jalpy ónimniń 5 paıyzynan kem bolmaıdy. Jańa yqtımal epıdemııalarǵa daıyn bolý kerek», – dedi Qasym-Jomart Toqaev.

Baıandamada úshinshi basym baǵyt retinde ekonomıkanyń jáne aımaqtardyń turaqty damýy aıqyndalǵany aıtyldy. Prezıdent jahan ekonomıkasy uzaq toqyraýǵa ushyraǵanyn atap ótti. Degenmen ol mundaı daǵdarys ekonomıkany jańa úlgide qalyptastyrý úshin júıeli reformalar jasaýǵa múmkindik beredi dep sanaıdy.

«Álemdegi barlyq ekonomıka ǵalymdar men parasatty saıasatkerler adamzat tarıhyndaǵy teńdessiz jahandyq daǵdarys jaǵdaıynda ekonomıkalyq protsessterdi basqarýda memlekettiń róli barynsha artyp otyr degen tujyrymǵa keldi», – dedi Memleket basshysy.

Sonymen qatar Qasym-Jomart Toqaev qatań ári teńdestirilgen makroekonomıkalyq saıasat, jeke menshik sektordy qoldaý, halyq aldyndaǵy áleýmettik mindetterdi oryndaý esebinen ekonomıkanyń ósimin qamtamasyz etýdiń mańyzyna toqtaldy. Bul rette shyǵyndardy baqylaýdy qatań nazarda ustaý kerek.

Nur Otan baǵdarlamasyndaǵy tórtinshi basymdyq – «halyq únine qulaq asatyn memleket» jáne jaýapty azamattar.

Prezıdenttiń pikirinshe, turaqty damý úshin senim men jaýapkershilikke negizdelgen memleket pen qoǵamnyń ózara is-qımyly qajet.

Bul rette Memleket basshysy bizdiń ortaq jumysymyzdyń basty baǵdary halyq múddesi men problemalary ekenin naqtylady. Prezıdenttiń aıtýynsha, memleket halyq úni men pikirine qulaq asýy tıis.

«Partııa jumysynyń oń koeffıtsıenti azamattarymyzdyń ómirin jaqsartatyn naqty sheshimderge baılanysty bolmaq. Bos sóz ben qurǵaq ýáde emes, naqty áreket qana halyq senimine jáne saıası kóshbasshylyqqa qol jetkizýge múmkindik beredi. Sondyqtan partııa memlekettik basqarý júıesin jańǵyrtýdy myqtap qolǵa alady. Bul strategııalyq sıpattaǵy mindet», – dedi Qazaqstan Prezıdenti.

Memleket basshysy óz sózinde partııanyń jańa baǵdarlamasy damyǵan azamattyq qoǵam men ekonomıkalyq turǵydan tolyqqandy memleket qurýǵa baǵyttalǵanyn aıtty. Qasym-Jomart Toqaev jetekshi partııanyń mártebesi bılikke qol jetkizýde emes, memleket pen halyqqa naqty paıda tıgizý múmkindiginde ekenin atap ótti.

«Memlekettik basqarý júıesindegi laýazymdy qyzmet ataqaratyn partııa músheleri eńbekqorlyqtyń, saıası jaýapkershilik pen azamattyq patrıotızmniń aıqyn úlgisi bolýǵa mindetti. Partııamyzdyń músheleri bolashaqta da osy úddeden tabylaryna kúmán keltirmeımin», – dedi Prezıdent.

Memleket basshysy sózin qorytyndylaı kele, Táýelsizdigimizdiń otyz jyldyǵy Májilis jáne máslıhat depýtattarynyń saılaýymen bastalyp jatqanyna, onyń sımvoldyq máni zor ekenine nazar aýdardy.

«Aldaǵy saılaý qoǵamnyń birtutastyǵyn jáne bereke-birligimizdi bekemdeı túsedi dep senemin. Bul naýqannyń ashyq, ádil ári zańdy ótýi úshin barlyq jaǵdaıdy jasaımyz. Men, Memleket basshysy retinde, muny jiti qadaǵalaımyn», – dedi Qasym-Jomart Toqaev.

Eske salsaq, Qazaqstan Prezıdentiniń Nur Otan partııasynyń kezekten tys HH quryltaıynda sóılegen sóziniń tolyq nusqasymen myna silteme arqyly tanysa alasyz.


Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT