Memleket basshysy Qaırat Kelimbetovke shetelden ınvestıtsııa tartýdy tapsyrdy
NUR-SULTAN. QazAqparat - Memleket basshysy Qasym-Jomart Toqaev AHQO basqarýshysy Qaırat Kelimbetovti qabyldady, dep habarlaıdy Aqorda.
Qasym-Jomart Toqaev «Astana» halyqaralyq qarjy ortalyǵynyń 2021 jyly atqarǵan jumysynyń nátıjelerimen tanysty.
Memleket basshysyna Astana Finance Days halyqaralyq konferentsııasyn ótkizýge daıyndyq barysy týraly baıandaldy. Osy jıyn aıasynda qazirgi ekonomıkalyq kún tártibiniń meılinshe mańyzdy máseleleri, sonyń ishinde Eýrazııa keńistiginiń ekonomıkalyq baılanystylyǵyn qamtamasyz etý isindegi Qazaqstannyń jańa róli talqylanady.
Qasym-Jomart Toqaev Qaırat Kelimbetovke Úkimetpen, Ulttyq bankpen jáne Qarjy naryǵyn retteý jáne damytý agenttigimen tyǵyz yqpaldastyq ornata otyryp, shetelden el ekonomıkasyna ınvestıtsııa tartý jumystaryn jandandyrýdy tapsyrdy.
