Memleket basshysy Qaraǵandydaǵy jańa mekteptiń jumysymen tanysty

QARAǴANDY. QazAqparat - Qaraǵandy oblysyna jumys saparymen kelgen Qazaqstan Prezıdenti Qasym-Jomart Toqaev jańadan salynǵan 1 200 oryndyq mektep-gımnazııany aralap kórdi, dep haıýarlaıdy QazAqparat Aqordanyń baspasóz qyzmetine silteme jasap.

Uqsas jańalyqtar

Prezıdent Jambyl oblysynyń ákimin qabyldady

Prezıdent Ahmetjan Esimovke birqatar naqty tapsyrma berdi Prezıdent memlekettik qyzmetshilerdi qysqartý úderisiniń ashyqtyǵyn qamtamasyz etýdi tapsyrdy Memleket basshysy Asqar Mamındi qabyldady

Jańa bilim oshaǵyna jaqyn jerlerdegi qazaq mektepterinen 900 oqýshy aýystyrylǵan. Bul úsh aýysymda oqytý máselesin sheshýge baǵyttalǵan mańyzdy qadam bolyp otyr.

Qasym-Jomart Toqaev mekteptegi oqý-tárbıe jumystarynyń uıymdastyrylýymen tanysyp, bastaýysh synyp oqýshylary oqıtyn kezekshi synyptardy aralady.

Memleket basshysyna zamanaýı quraldarmen jabdyqtalǵan kabınetter, STEM-laboratorııa, robot tehnıkasy jáne zııatkerlik bólmeler, mektep telestýdııasy men medıastýdııa kórsetildi. Mektepte sabaqtan tys uıymdastyrylatyn úıirme jumystary úshin ART-stýdııa jáne horeografııa zaly salynǵan.

Prezıdent jańa mektep-gımnazııaǵa Abaıdyń esimin berý jónindegi usynysty qoldady. Oqý oshaǵy uly aqyn ári oıshyldyń muralaryn zertteý, nasıhattaý ortalyǵyna aınalady. Mektep bazasynda qalalyq qana emes, oblystyq is-sharalar da ótkiziledi. Ol úshin 700 oryndyq akt zaly bar. Onyń ishi Abaı shyǵarmashylyǵymen bezendirilgen.

Sonymen qatar Prezıdentke koronavırýs pandemııasy kezindegi oqý úderisiniń uıymdastyrylýy jóninde málimet berildi. Jańa oqý jylynda óńirdegi 504 mektepte 204 myń oqýshy, sonyń ishinde, 22 myń birinshi synyp oqýshysy bilim alýda.

Kontıngenti 300-den aspaıtyn 279 mektep shtattyq rejımde jumys istep jatyr. Mundaı oqý oryndarynda 29 myńǵa jýyq oqýshy oqıdy. Bastaýysh jáne besinshi synyp oqýshylary úshin 6166 kezekshi synyptar uıymdastyrǵan. Bul synyptarda 77 myńnan astam bala oqyp jatyr. Búkil bilim berý mekemelerinde sanıtarlyq rejım barynsha kúsheıtilgen.