+7 (701) 759 90 19
USD 399.67 EUR 452.95
RUB 5.82 CNY 56.36
Jańalyqtar

Memleket basshysy germanııalyq kompanııalarǵa Qazaqstannyń ınvestıtsııalyq múmkindikteri týraly aıtty

2020 jylǵy 14 aqpan 18:53
Bólisińiz:
Memleket basshysy germanııalyq kompanııalarǵa Qazaqstannyń ınvestıtsııalyq múmkindikteri týraly aıtty

MıÝNHEN. QazAqparat – Mıýnhen qalasynda Qazaqstan Prezıdenti Qasym-Jomart Toqaev Rhenus SE & Co. KG basqarma múshesi, Rhenus Port Logistics jáne Rhenus Recycling bas dırektory Mıhael Vıferspen kezdesti, dep habarlaıdy QazAqparat tilshisi.

Qasym-Jomart Kemeluly germanııalyq kompanııanyń basshysyna elimizdegi ekonomıkalyq ósim turaqty ekenin jáne ınvestıtsııalyq jobalarǵa tıisti jaǵdaı jasalǵanyn atap ótti. Bul turǵyda Memleket basshysy sheteldik ınvestıtsııa tartý josparlanǵanyn, sáıkesinshe ınvestıtsııalyq salada senimdi elderdiń arasynda Germanııa da bar ekenin jetkizdi.

Kezdesý barysynda Memleket basshysy Qazaqstannan arnaıy kelgen delegatsııa múshelerin atady. Delegatsııa quramynda Úkimet basshysynyń orynbasary Roman Sklıar, Syrtqy ister mınıstri Muhtar Tileýberdi men Qazaqstannyń Germanııadaǵy Tótenshe jáne Ókiletti Elshisi Dáýren Káripov bar.

Óz kezeginde Mıhael Vıfers Qazaqstan Prezıdentimen kezdesýge múmkindik bolǵanyna rızashylyǵyn bildirip, kompanııanyń áleýetimen tanystyrdy. Onyń atap ótýinshe, kompanııanyń jyldyq qarjy aınalymy shamamen 50 mlrd eýroǵa jýyqtaǵan.

Rethmann Group tobynyń enshiles kompanııasy teńiz, temirjol, avto jáne áýe tasymaldary salasynda transporttyq-ekspedıtorlyq qyzmetti iske asyrady.

Rhenus Logistics-tiń Vılnıýs (Lıtva), Frankfýrt (Germanııa), Kıev (Ýkraına), Máskeý jáne Máskeý oblysynda (Reseı) qoımalary bar.

Sonymen birge, kompanııa qoımalar qurylysyndaǵy ınnovatsııalyq ıdeıalarǵa ınvestıtsııa quıýmen aınalysady.

1912 jyly negizi qalanǵan kompanııanyń bas ofısi Holtsvıkked qalasynda ornalasqan. Kompanııanyń jyldyq kirisi 5,1 mlrd eýroǵa teń, 31 myń adamdy jumyspen qamtyp otyr.

Germanııalyq kompanııa elimizde «Rhenus Logistics» JShS degen atpen tirkelgen. Qazaqstan aýmaǵy men TMD elderine tasymalmen aınalysady.

2020 jyldyń 28 qańtarynda QR Syrtqy ister mınıstri Muhtar Tileýberdi men «Remondis International GmbH», «Rhenus Logistics» kompanııalarynyń basshylary arasynda kezdesý ótti. Kezdesý barysynda kompanııa jetekshileri Qazaqstan aýmaǵynda temirjol nemese avtokólik konteıner termınalynyń qurylysyna, sondaı-aq daıyn jobaǵa ınvestıtsııa salýǵa ázir ekenin jetkizdi.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT