+7 (701) 759 90 19
USD 376.84 EUR 407.97
RUB 5.91 CNY 53.80
Jańalyqtar

Memleket basshysy Frantsııa bıznesiniń ókilderimen kezdesti

2019 jylǵy 29 qarasha 17:01
Bólisińiz:
Memleket basshysy Frantsııa bıznesiniń ókilderimen kezdesti

NUR-SULTAN. QazAqparat - Qasym-Jomart Toqaev óz sózinde Frantsııa Qazaqstannyń Eýropalyq odaq aıasyndaǵy negizgi seriktesi ekenin jáne elimizdiń ekijaqty yqpaldastyqty damytýǵa basa mán beretinin aıtty, dep habarlaıdy Aqordanyń baspasóz qyzmeti.

Uqsas jańalyqtar
Eńbegimen erekshelengen volonterler memlekettik nagradalarǵa usynylady Qasym-Jomart Toqaev «Ál-Vatan» Saraıyndaǵy qurmetti meımandar kitabyna jazba qaldyrdy BAÁ astanasynda QR Prezıdenti men Ábý-Dabı hanzadasynyń kezdesýi bastaldy

– Eki memleket arasyndaǵy ózara qarym-qatynastar turaqty ári joǵary deńgeıde. Biz Frantsııa Prezıdenti Emmanıýel Makronnyń Qazaqstanǵa jasaıtyn aldaǵy sapary ekijaqty yntymaqtastyqty damytýǵa tyń serpin beredi dep sanaımyz, – dedi Memleket basshysy.

Qazirgi ýaqytta Qazaqstanda frantsýz kapıtalynyń qatysýymen Orano, Alstom, Air Liquide, Airbus sııaqty 160-tan astam transulttyq kompanııa jumys isteıdi. 2018 jyly elderimiz arasyndaǵy taýar aınalymy 32 paıyzǵa artyp, 4,5 mıllıard dollarǵa jetti.

– Men muny jaqsy kórsetkish dep esepteımin. Soǵan qaramastan ony jaqsartýǵa únemi umtylýymyz kerek. Bıylǵy kórsetkishterde de oń qarqyn baıqalady. 9 aıdyń ishinde taýar aınalymy 5,5 paıyzǵa ósip, 3,4 mıllıard dollarǵa jetti. Jalpy Qazaqstan ekonomıkasyna salynǵan frantsýz ınvestıtsııasynyń kólemi 16 mıllıard dollarǵa jýyq, – dedi Prezıdent.

Qasym-Jomart Toqaev Qazaqstanda tabysty bıznes júrgizý úshin jaǵdaı jasalǵanyn atap ótip, bıznes-ahýaldy jaqsartýǵa, kedergilerdi azaıtýǵa jáne elimizdiń ınvestıtsııalyq tartymdylyǵyn jaqsartýǵa baǵyttalǵan júıeli reformalar júzege asyrylyp jatqanyn aıtty.

Prezıdent frantsýz bıznesmenderiniń nazaryn eki el arasyndaǵy yntymaqtastyqty nyǵaıtýǵa negizdelgen kóptegen baǵyttarǵa aýdaryp, olardy agroónerkásiptik keshen jáne ekonomıkanyń basqa da sektorlaryndaǵy birlesken jobalardy júzege asyrý úshin seriktes bolýǵa shaqyrdy.

– Qazaqstannyń básekege qabiletti aýyl sharýashylyǵy ónimderin óndirýde múmkindigi zor. Elimizde 25 mıllıon gektar egistik pen 186 mıllıon gektardan astam jaıylymdyq jer bar. Bul orasan zor resýrs jáne rezerv. Geografııalyq turǵydan biz úlken ári joǵary tólemqabilettiligi bar Qytaı, Eýropa, Taıaý Shyǵys jáne Indııa naryqtaryna jaqynbyz, – dedi Memleket basshysy.

Qazaqstan Prezıdenti óz sózinde ınnovatsııa, tsıfrlyq ekonomıka salalaryndaǵy yntymaqtastyqtyń mańyzy zor ekenin atap ótti. Qasym-Jomart Toqaev qarjy sektoryndaǵy is-qımyldardy keńeıtýge jáne «Astana» halyqaralyq qarjy ortalyǵynyń jumysyna qatysýǵa shaqyrdy.

– Elimizde Nazarbaev Ýnıversıteti jáne Innovatsııalyq tehnologııalar parki sekildi ınnovatsııalyq klasterler jumys isteıdi. Astana Hub IT-startaptar halyqaralyq tehnoparki ashyldy. Biz Qazaqstanda frantsýzdyq ınnovatsııalar men tehnologııalardy engizý úshin meılinshe qolaıly jaǵdaı jasaýǵa daıynbyz, – dedi Prezıdent.

Kólik-tranzıt ınfraqurylymyn damytý máselesine toqtalǵan Memleket basshysy Qazaqstan arqyly Azııa men Eýropany jalǵaıtyn halyqaralyq kólik dálizi ótetinin, Qytaıdyń «Bir beldeý, bir jol» jahandyq bastamasymen ushtasatyn «Nurly jol» baǵdarlamasynyń júzege asyrylyp jatqanyn aıtty. Budan bólek kóliktik jáne týrıstik áleýetti arttyrý maqsatynda elimizdiń jetekshi áýejaılarynda «ashyq aspan» júıesi engizildi.

– Men Qazaqstannyń aspany ashyq bolýy kerek degen sheshim qabyldadym. Osy júıe 11 áýejaıǵa engizilip, barlyq áýe kompanııalary arasynda, onyń ishinde qazaqstandyqtar da bar, tıisti básekelestik uıymdastyrylady. Bul jolaýshylar tasymaly turǵysynan ǵana emes, sondaı-aq, Qazaqstan men Eýropa arasynda júk tasymalyn uıymdastyratyn elimizdiń avıatsııalyq múmkindikterine oń yqpal etedi, – dedi Qasym-Jomart Toqaev.

Prezıdent Frantsııanyń týrızm salasyndaǵy tabysty tájirıbesin zertteýge jáne engizýge elimizdiń múddeliligin atap ótip, Qazaqstannyń frantsııalyq týrısterdi qabyldaýǵa daıyn ekenin málimdedi.

Qazaqstan-Frantsýz iskerlik keńesiniń teń tóraǵasy Iv-Lýı Darrıkarrer ınvestorlardyń birlesken jobalardy damytýǵa nıetti ekenin jetkizdi.

– Men frantsýz kompanııalarynyń Qazaqstannyń kásiporyndarymen uzaq merzimge negizdelgen yntymaqtastyqty damytýǵa nıetti ekenin aıtqym keledi. Olar qosymsha jobalardy damytýǵa úmitti jáne qazaqstandyq bılikpen jumys isteýge ázir, – dedi Iv-Lýı Darrıkarrer.

Kezdesý barysynda Qazaqstandaǵy Total kompanııasynyń basshysy Alem Frıga-Noı, Air Liquide kompanııasynyń vıtse-prezıdenti Fılıpp Krıstodolý, Alstom kompanııasynyń Taıaý Shyǵys elderi boıynsha aǵa vıtse-prezıdenti Dıde Flejer, Renault kásipornynyń aǵa vıtse-prezıdenti Nıkolıa Mor, Idemia kompanııasynyń aǵa vıtse-prezıdenti Izabel Lozon, Orano mining kompanııasynyń bas dırektory Nıkolıa Maes, Vicat kompanııasynyń aımaqtyq dırektory Petro Kala jáne basqa da frantsýz bıznesiniń ókilderi sóz sóıledi.

Kezdesý sońynda Qasym-Jomart Toqaev osy is-sharanyń Qazaqstan men Frantsııa arasyndaǵy baılanystardy nyǵaıtýǵa septigin tıgizetinine, ózara tıimdi jańa jobalardyń bastaýy bolatynyna senim bildirdi.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT