Memleket basshysy eshbir partııaǵa basymdyq bermegeni jón - Qasym-Jomart Toqaev
2022 jylǵy 26 sáýir 15:54

Memleket basshysy eshbir partııaǵa basymdyq bermegeni jón - Qasym-Jomart Toqaev

NUR-SULTAN. QazAqparat – Memleket basshysy eshbir partııaǵa basymdyq bermegeni jón. Bul týraly AMANAT partııasynyń sezinde Prezıdent Qasym-Jomart Toqaev málim etti, dep habarlaıdy QazAqparat tilshisi.

«Biz birlesip kóp jumys atqardyq. Degenmen, ýaqyt bir orynda turmaıdy. Qazir talaı nárse ózgerip jatyr. Aldymyzda aýqymdy mindetter bar. Búginde elimizdegi barlyq salany túbegeıli monopolııasyzdandyrý asa mańyzdy. Osy úderisten saıası júıe de syrt qalmaýy kerek. Memleket basshysy eshbir partııaǵa basymdyq bermegeni jón, ıaǵnı saıası turǵydan beıtarap bolýy qajet. Bul – meniń aıqyn ustanymym», - dedi Memleket basshysy.

Osy oraıda Prezıdent mundaı qaǵıda saılaýǵa qatysatyn barlyq kúshterge teń múmkindik týǵyzatynyn atap ótti.

«Saıası júıede ádildiktiń ornaýyna jol ashady. Partııa atqarýshy bılikke táýeldi bolmasa, oǵan halyqtyń senimi nyǵaıyp, bedeli artady. Qazir uıym Májiliste jáne máslıhattarda edáýir basymdyqtarǵa ıe bolyp otyr. Sondyqtan Úkimet pen ákimdikterdiń jumysyna qatań baqylaý jasaı alady», - dedi Qasym-Jomart Toqaev.


Jańalyqtar

Úrdis

MURAǴAT