Memleket basshysy Esep komıtetiniń tóraǵasyna birqatar tapsyrma berdi
2022 jylǵy 16 tamyz 18:03

Memleket basshysy Esep komıtetiniń tóraǵasyna birqatar tapsyrma berdi

NUR-SULTAN. QazAqparat -Prezıdent Qasym-Jomart Toqaev Esep komıtetiniń tóraǵasy Natalıa Godýnovany qabyldady, dep habarlaıdy Aqorda.

Qasym-Jomart Toqaevqa aýdıttiń joǵary organynyń bıylǵy birinshi jartyjyldyqtaǵy qyzmetiniń negizgi qorytyndylary, sondaı-aq Memleket basshysy bergen tapsyrmalardyń oryndalýy barysy jóninde baıandaldy.

Prezıdentke usynylǵan aqparatqa sáıkes eseptik kezeńde 1,3 trıllıon teńge kólemindegi bıýdjet qarajatyn qamtıtyn 77 nysanda 14 aýdıtorlyq is-shara ótkizildi.

Odan bólek Natalıa Godýnova Qasym-Jomart Toqaevqa Esep komıtetin Joǵary aýdıtorlyq palata retinde qaıta qurý boıynsha ázirlengen tásilder jóninde aqparat berdi.

Kezdesý sońynda Memleket basshysy Esep komıtetiniń tóraǵasyna birqatar tapsyrma berdi.


Foto: akorda.kz


Seriktester jańalyqtary

Jańalyqtar

Úrdis

MURAǴAT