+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Memleket basshysy senbilikte aǵash otyrǵyzdy

2019 jylǵy 12 qazan 12:10
Bólisińiz:
Memleket basshysy senbilikte aǵash otyrǵyzdy

NUR-SULTAN. QazAqparat – Qazaqstan Prezıdenti Qasym-Jomart Toqaev elordadaǵy Botanıkalyq baqta ótken ekologııalyq senbilikke qatysty, dep habarlaıdy QazAqparat.

«Elordanyń Botanıkalyq baǵynda ótken senbilikke qatystym. Elimizdi kógaldandyrý – tabıǵatty qorǵaýǵa qajetti jáne qaıyrymdy is. Osy paıdaly sharaǵa atsalysqan barsha qatysýshylarǵa alǵys bildiremin. Elordamyz jaıly jáne jasyl qalaǵa aınalýy kerek», - dep jazdy Twitter-de Memleket basshysy.


Aqordanyń baspasóz qyzmetinen málim etkendeı, Q.Toqaev sondaı-aq Botanıkalyq baqta aǵash otyrǵyzyp, senbilikke qatysqan jurtshylyqpen suhbattasty.

«Birge Jasyl Qazaqstan» sharasyna Premer-Mınıstr Asqar Mamın, Úkimet músheleri, Nur-Sultan qalasynyń ákimi Altaı Kólginov, sportshylar men oqýshylar qatysty.

«Kógaldandyrýǵa arnalǵan senbilik barysynda Botanıkalyq baqta 300 kóshet otyrǵyzyldy. Jalpy búgin elorda kósheleri men saıabaqtarynda 5 myń aǵash egilip, qala ajaryn arttyra túspek. Sonymen qatar bıyl kúzde «Ekologııalyq saǵat» sharasynyń sheńberinde elimiz boıynsha qosymsha 1 mıllıonǵa jýyq kóshet egiledi», - delingen aqparatta.

Aıta keteıik, Nur-Sultan qalasynda 16 qyrkúıek-13 qazan aralyǵynda ekologııalyq aılyq ótip jatyr. Onyń aıasynda 12 qazan kúni Nur-Sultanda aǵash otyrǵyzý aktsııasy ótetini belgilengen edi.

Búkilálemdik jasyl jelek otyrǵyzý kúnine oraılastyrylǵan shara elimizdiń barlyq óńirinde qoldaý tapty.

QR Ekologııa, geologııa jáne tabıǵı resýrstar mınıstri Maǵzum Myrzaǵalıev atap ótkendeı, 12 qazan kúngi kampanııa barysynda jáne jalpy kúz aıynyń sońyna deıin respýblıkada 1 mıllıonǵa jýyq aǵash otyrǵyzylady.



Bizdiń kanalymyzǵa jazylyńyz:

Bólisińiz:

Avtor:

Mıra Tólendiqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT