+7 (701) 759 90 19
USD 425.07 EUR 494.14
RUB 6.06 CNY 66.55
Jańalyqtar

Memleket basshysy BUU-nyń Azyq-túlik júıeleri jónindegi sammıtte sóz sóıledi

2021 jylǵy 24 qyrkúıek 08:04
Bólisińiz:
Memleket basshysy BUU-nyń Azyq-túlik júıeleri jónindegi sammıtte sóz sóıledi

NUR-SULTAN. QazAqparat - Memleket basshysy Qasym-Jomart Toqaev BUU-nyń Azyq-túlik júıeleri jónindegi sammıtte sóz sóıledi, dep habarlaıdy QazAqparat Aqordaǵa silteme jasap

Uqsas jańalyqtar
BUU: Madagaskarǵa klımattyń ózgerýinen týyndaǵan ashtyq qaýpi tónip tur

Qasym-Jomart Toqaev óz sózinde búgingi tańda azyq-túlik naryǵynyń ornyqty damýy úshin jaǵdaı jasaý mańyzdy mindetterdiń biri ekenin atap ótti. Onyń aıtýynsha, azyq-túlik júıeleri tabıǵı qajettilik, qorshaǵan orta, ekonomıka men mádenıet sııaqty adamzat bolmysynyń barlyq qyryn qamtıdy.

«Álem boıynsha azyq-túlikti jetkizýdiń belsendi qatysýshysy sanalatyn Qazaqstan agrarlyq sektordy ekologııalandyrýdy jáne ornyqty damytýdy qoldaıdy. Elimiz bıdaı men un óndirýshi iri elderdiń ondyǵyna kiredi jáne jylyna 7 mıllıon tonnaǵa deıin bıdaı eksporttaıdy. Biz negizgi tejeýshi faktorlarǵa qaramastan, maıly daqyldar eksportyn 1 mıllıon tonnadan asyrdyq. Degenmen, azyq-túlik júıesi ekonomıkalyq, áleýmettik jáne ekologııalyq turǵydan ornyqty bolýǵa tıis», – dedi Qazaqstan Prezıdenti.

Memleket basshysy Qazaqstannyń egin sharýashylyǵy qaýip-qateri bar aımaqta ornalasqanyn jáne qurǵaq klımattyń áserimen betpe-bet kelip otyrǵanyn aıtty. Elimizdiń sý sharýashylyǵy 40 paıyz kórshi elderden aǵyp keletin sýǵa táýeldi.

«Jer-sý resýrstaryn barynsha tıimdi paıdalaný maqsatynda jerdiń qunaryn arttyrý, sý únemdeý tehnologııalaryn engizý jáne sý ótkizý júıelerin tsıfrlandyrý jóninde sharalar qabyldadyq. Ornyqty azyq-túlik júıeleri týraly aıtqan kezde kóptegen elde sý dıplomatııasyna qatysty máseleler ózekti ekeni anyq baıqalady. Azyq-túlik júıeleri jónindegi problemalar men sý resýrstaryn basqarý, shekaraaralyq ózenderdi paıdalaný máseleleri ózara tyǵyz baılanysty. Munyń barlyǵy azyq-túlik júıeleri týraly kelisimderde kórinis tabýy kerek», – dedi Qasym-Jomart Toqaev.

Memleket basshysy Qazaqstan Azyq-túlik qaýipsizdigi jónindegi Islam uıymyn qurýǵa bastamashy bolǵanyn aıtyp ótti. Qazirgi tańda onyń quramynda halqynyń jalpy sany 1,4 mıllıardqa jýyq 36 el bar.

Osy uıym aıasynda Qazaqstan jyl saıyn muqtaj elderge, onyń ishinde Aýǵan halqyna bıdaı men un jetkizý sııaqty qaıtarymsyz gýmanıtarlyq kómek kórsetip keledi.

Qasym-Jomart Toqaev memleketter arasyndaǵy agrotehnıkalyq, ǵylymı jáne ınnovatsııalyq baılanystardy nyǵaıtý, sonymen qatar qarjy, ınvestıtsııa, kólik jáne logıstıka salalaryn da ilgeriletý kerek ekenin atap ótti.

«BUU-nyń Azyq-túlik jáne aýyl sharýashylyǵy uıymy jahandyq azyq-túlik qaýipsizdigin qamtamasyz etý jáne ony qoldaý maqsatynda turaqty ekojúıe qalyptastyrý úshin barynsha belsendi jumys isteýi qajet. Sammıt ashtyqty joıý, azyq-túlik qaýipsizdigin qamtamasyz etý jáne ony jaqsartý, turaqty aýyl sharýashylyǵynyń damýyna yqpal etý sııaqty Ornyqty damýdyń ekinshi negizgi maqsatyna qol jetkizýge múmkindik beretinine senimdimin», – dedi Qazaqstan Prezıdenti.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT