+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Memleket basshysy birqatar memlekettiń elshilerinen senim gramotalaryn qabyldady

2019 jylǵy 11 qarasha 19:53
Bólisińiz:
Memleket basshysy birqatar memlekettiń elshilerinen senim gramotalaryn qabyldady

NUR-SULTAN. QazAqparat – Qazaqstan Prezıdenti Qasym-Jomart Toqaev birqatar memlekettiń elshilerinen senim gramotalaryn qabyldady. Bul týraly Aqordadan málim etti, dep habarlaıdy QazAqparat.

Uqsas jańalyqtar
Qasym-Jomart Toqaev qazaqstandyqtardy Táýelsizdik kúnimen quttyqtady Táýelsizdik aldyndaǵy demografııalyq daǵdarysty eńserdik - Memleket basshysy QR Prezıdenti: Baıtaq jerimizdi mura etken babalar amanatyna adal bolý – paryzymyz

Qasym-Jomart Toqaevqa Nıderland Koroldiginiń elshisi Andreı Karstens, Majarstan elshisi Antal Heızer, Grekııa Respýblıkasynyń elshisi Adam Georgıos Adamıdıs, Egıpet Arab Respýblıkasynyń elshisi Manal Ehııa Ál Shınnaýı, Katar Memleketiniń elshisi Abdýlazız ben Sultan Djasem Madjıd Ál-Rýmeıhı senim gramotalaryn tapsyrdy.

Memleket basshysy elshilerdi Qazaqstandaǵy dıplomatııalyq qyzmetteriniń resmı túrde bastalýymen quttyqtap, ıgi mıssııalaryna tabys tiledi.

Saltanatty shara barysynda Prezıdent sheteldik dıplomattarmen shaǵyn suhbat qurdy.

Qasym-Jomart Toqaev Nıderland elshisine atalǵan memleket Qazaqstannyń Eýropadaǵy negizgi seriktesteriniń biri ekenin aıtty.

«Bizdiń elimizdiń «Shell» jáne taǵy da basqa iri munaı kompanııalarymen qarym-qatynasy óte jaqsy. Mundaı yntymaqtastyq aldaǵy ýaqytta da jalǵasa beredi dep oılaımyn. Biz Nıderlandynyń Qazaqstanmen tyǵyz yqpaldastyq ornatýǵa umtylysyn joǵary baǵalaımyz. Sizdiń elińizdiń ınvestıtsııalyq áleýeti orasan zor», – dedi Memleket basshysy.

Qasym-Jomart Toqaev Antal Heızermen kezdesý barysynda Qazaqstannyń Majarstandy Ortalyq Eýropadaǵy jáne Eýropalyq odaq aıasyndaǵy negizgi ári mańyzdy seriktesi retinde qarastyratynyn atap ótti. Prezıdent Majarstan Úkimetiniń Býdapeshtte Túrki Keńesiniń ofısin ashý jónindegi sheshimin quptap, oǵan tarıhı ádilettiliktiń ornaýy dep baǵa berdi.

«Eki el arasynda gýmanıtarlyq baılanystar nyǵaıyp keledi. Al ekonomıka salasy boıynsha damý qarqyny óte joǵary. Bizdiń úkimetterimiz birge jumys atqarýǵa erekshe qulshynys bildirip otyr», – dedi Qazaqstan Prezıdenti.

Qasym-Jomart Toqaev Adam Georgıos Adamıdıspen áńgimelesý kezinde Qazaqstannyń Grekııamen aradaǵy yntymaqtastyqty damytýǵa zor mán beretinin aıtty.

«Biz Grekııamen osyǵan deıin qalyptasqan yntymaqtastyqty odan ári órkendetýge zor qyzyǵýshylyq tanytamyz. Siz elshi retinde eki el arasyndaǵy baılanysty ári qaraı damytýǵa eleýli úles qosasyz dep oılaımyn», – dedi Prezıdent.

Egıpet dıplomatııalyq mıssııasynyń jetekshisin qabyldaý sátinde Memleket basshysy Prezıdent Abdel Fattah as-Sısıdiń 2016 jylǵy Qazaqstanǵa jasaǵan sapary tabysty bolǵanyn atap ótip, oǵan izgi tilegin joldady.

«Elderimiz ekijaqty qatynastardy damytý baǵytynda oń nátıjelerge qol jetkizdi. Halyqaralyq kún tártibindegi kóptegen másele boıynsha memleketterimizdiń ustanymy ortaq», – dedi Qasym-Jomart Toqaev.

Memleket basshysy Katar elshisine 2019 jyldyń maýsym aıynda Dýshanbede ótken Azııadaǵy ózara yqpaldastyq jáne senim sharalary jónindegi keńes sammıti aıasynda Ámir Tamım ben Hamad Ál-Tanımen tabysty kezdesý ótkizgenin aıtty. Sondaı-aq atalǵan elmen yntymaqtastyqtyń nyǵaıa beretinine senim bildirdi.

«Biz Qatar Airways kompanııasynyń Nur-Sultan men Doha arasynda áýe qatynastaryn iske qosý jónindegi sheshimin quptaımyz. Memleket basshysy retinde ózim jáne Qazaqstan Úkimeti Katarmen baılanystardy nyǵaıtý úshin barlyq qajetti sharalardy qabyldaımyz», – dedi Qasym-Jomart Toqaev.





Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT