+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

Memleket basshysy ardager jýrnalısti ǵasyr toıymen quttyqtady

2021 jylǵy 23 shilde 13:13
Bólisińiz:
Memleket basshysy ardager jýrnalısti ǵasyr toıymen quttyqtady

ALMATY. QazAqparat - 23 shildede Almaty qalasyndaǵy «Dostyq úıinde» Aqparat jáne qoǵamdyq damý mınıstri Aıda Balaeva Qazaqstannyń eńbek sińirgen mádenıet qaıratkeri, ardager jýrnalıst Hanymbúbi Aqjolovanyń 100 jasqa tolýmen qutttyqtady. Mınıstr mereıtoı ıesine Memleket basshysy Qasym-Jomart Toqaevtyń arnaıy Alǵys hatyn tabystady. Bul týraly QazAqparat Aqparat jáne qoǵamdyq damý mınıstrligine silteme jasap habarlaıdy.


«Siz ǵıbratty ǵumyr jolyńyzdyń búgingi bir ǵasyrlyq belesine úlkenge de, jasqa da úlgi bolatyn adamı bıik bolmysyńyzben jetip otyrsyz. Otandyq baspasóz salasynda kóp jyl qajyrly qyzmet etip, elimizdiń buqaralyq aqparat quraldaryn damytýǵa orasan zor eńbek sińirdińiz. El ıgiligi úshin atqarǵan jemisti jumysyńyz úshin Sizge alǵysymdy bildirip, 100 jasqa tolǵan mereıtoıyńyzben shyn júrekten quttyqtaımyn. Denińizge saýlyq, áýletińizge amandyq tileımin», – delingen Alǵys hatta. Sonymen qatar Mınıstr óz sózinde mereıtoı ıesine: «Siz búkil sanaly ǵumyryńyzdy – qazaq jýrnalıstıkasynyń damýyna arnadyńyz. Sondyqtan Ózińizdiń tól salańyz – baspasóz zamanmen birge ósip-órkendep, óz ornyn joǵaltpaı keledi. Munyń ózi eń aldymen Ózińizdeı ardager-jýrnalıster salǵan sara joldyń jemisti jalǵasy ekeni daýsyz. Sondyqtan búgingi mereıtoıyńyz áýletińizdiń ǵana emes, bizdiń Ulttyq jýrnalıstıkanyń ortaq qýanyshy», - dep atap ótti.

Óz kezeginde Hanymbúbi Aqjolova Memleket basshysynyń ystyq yqylasty quttyqtaýyna rızashylyǵyn bildire otyryp «Bir ǵasyr bıiginde» atty jańa kitaptyń bir danasyn Prezıdentke joldady. Hanymbúbi Aqjolova Almaty oblysynda dúnıege kelgen. Qazaqstanǵa eńbegi sińgen mádenıet qaıratkeri, ardager jýrnalıst. 1944 jyly QazMÝ-diń fılologııa fakýltetiniń jýrnalıstıka bólimine oqýǵa túsip, ádebıettanýshy, professor Músilim Bazarbaev, ataqty ǵalym, jazýshy-jýrnalıst Muqan Mamajanov, jazýshy Kemel Toqaev syndy bolashaq tanymal tulǵalarmen qatar oqyp, bilim alǵan. 1949 jyly bilim ordasyn qyzyl dıplommen támamdap, «Sotsıalıstik Qazaqstan» («Egemen Qazaqstan») respýblıkalyq gazetinde uzaq jyldar boıy qyzmet atqarǵan. Keıinnen týǵan jerine oralyp, Jambyl aýdandyq «Bolshevıktik jol» («Ekpindi eńbek») gazetine redaktor bolyp taǵaıyndalyp, qajyrly eńbek etedi. 1971 jyly zeınet jasyna jetip, «Qazaqstanǵa eńbegi sińgen mádenıet qaıratkeri» qurmetti ataǵyn ıelengen. Almaty oblysynyń qurmetti azamaty.






Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059

MURAǴAT