+7 (701) 759 90 19
USD 389.98 EUR 434.01
RUB 6.10 CNY 55.04
Jańalyqtar

Memleket basshysy AÓSShK sammıtine qatysty

2019 jylǵy 15 maýsym 16:06
Bólisińiz:
Memleket basshysy AÓSShK sammıtine qatysty

DÝShANBE. QazAqparat - Qazaqstan Prezıdenti Qasym-Jomart Toqaev Azııadaǵy ózara is-qımyl jáne senim sharalary jónindegi keńestiń V sammıtine qatysty, dep habarlaıdy QazAqparat Aqordanyń baspasóz qyzmetine silteme jasap.

Memleket basshysy óz baıandamasynda Tájikstan Prezıdenti Emomalı Rahmonǵa qonaqjaılylyǵy, Sammıtti joǵary deńgeıde uıymdastyrǵany jáne Prezıdent bolyp saılanýymen quttyqtaǵany úshin rızashylyq bildirdi. Sonymen qatar, Qasym-Jomart Toqaev Tájikstannyń Azııadaǵy ózara is-qımyl jáne senim sharalary jónindegi keńeske tóraǵalyǵy Keńesti Azııa aımaǵyndaǵy óte mańyzdy máselelerdi sheshý isine belsendi jumyldyrýǵa septigin tıgizetinin aıtty.

Qazaqstan Prezıdenti 1992 jyly Birikken Ulttar Uıymynda Tuńǵysh Prezıdent Nursultan Nazarbaevtyń Azııadaǵy ózara is-qımyl jáne senim sharalary jóninde keńes ótkizý jónindegi usynǵan ıdeıasy Azııa qurlyǵynyń tarıhynda jańa kezeńge jol ashqanyn aıtty.

Búginde Azııadaǵy ózara is-qımyl jáne senim sharalary jónindegi keńes - Azııa óńirindegi 35 memleketti jáne jer sharyndaǵy halyqtyń jartysyna jýyǵyn biriktirip otyrǵan tıimdi kópqyrly qurylym, - dedi Qasym-Jomart Toqaev.

Memleket basshysy AÓSShK sammıtine qatysty

Qazaqstan Prezıdenti qaqtyǵystardyń órshı túskenin, qaýipsizdik mehanızmderiniń erozııasyn, saýda jáne sanktsııalyq soǵystardy, sondaı-aq, halyqaralyq terrorızmniń beleń alǵanyn atap ótip, óńirdegi qaýipsizdikke tóngen qaterdiń, ıdeologııalyq, etnıkalyq jáne dinaralyq qaıshylyqtardyń órship kele jatqanyna alańdaıtynyn aıtty. Osyǵan oraı, ol Azııadaǵy qaýipsizdiktiń túıtkildi máselelerin sheshý úshin júıeli ári keshendi ádisterdiń qajet ekenine toqtalyp, atalǵan problemaǵa baılanysty Qazaqstannyń ustanymyn jetkizdi.

- Barsha dostarymyz ben seriktesterimizdi Forýmnyń tıimdiligi men halyqaralyq básekege qabilettiligin arttyrý úshin kúsh-jiger jumyldyrýǵa shaqyramyz. Tolyqqandy óńirlik uıym bolý úshin bizge keńesti ret-retimen, birtindep transformatsııa jasaý qajet. Azııadaǵy ózara is-qımyl jáne senim sharalary jónindegi keńesti ınstıtýtsıonaldy túrde qalyptastyrý úshin barlyq jaǵdaı jasalǵan, quqyqtyq bazasy ázirlengen, onyń turaqty qurylymdary jumys istep jatyr, - dedi Qazaqstan Prezıdenti.

Qasym-Jomart Toqaev Elbasy Nursultan Nazarbaevtyń ınklıýzıvti damýdyń jahandyq arhıtektýrasyn qalyptastyrý jónindegi «Úsh dıalog» týraly bastamasynyń ózektiligin atap ótti. Memleket basshysy bul ıdeıanyń quramdas bóligi Eýrazııa aýqymyndaǵy ózara is-qımyldardyń josparyn jasaý úshin Azııadaǵy ózara is-qımyl jáne senim sharalary jónindegi keńestiń jáne Eýropadaǵy qaýipsizdik jáne yntymaqtastyq uıymynyń, sodan keıin Azııa men Eýropadaǵy basqa da óńirlik ári kópjaqty ınstıtýttardyń áleýetteriniń sınergııasyn qamtamasyz etý bolyp sanalatynyn aıtty.

- Daýly problemalar men qarama-qaıshylyqtardy bastalǵan sátinde sheshý úshin konstrýktıvti kelissózderdi qamtamasyz etý - kún tártibindegi basty máselelerdiń biri. Sondyqtan, jaqyn arada Azııadaǵy ózara is-qımyl jáne senim sharalary jónindegi keńes aıasynda halyqaralyq medıatsııany júzege asyratyn tolyqqandy ujymdyq qaýipsizdik júıesi qurylýy ábden múmkin, - dedi Qazaqstan Prezıdenti.

Memleket basshysy AÓSShK sammıtine qatysty

Qasym-Jomart Toqaev halyqaralyq lańkestikke qarsy is-qımyldar úshin birlesken júıeli ádister ázirleý qajettigine arnaıy toqtaldy. Onyń aıtýynsha, BUU Bas Assambleıasynyń 73 sessııasynda qabyldanǵan jáne 82 memleket qoldaǵan lańkestikten ada, beıbitshiliktiń jetistigi jónindegi minez-qulyq Kodeksi Azııadaǵy ózara is-qımyl jáne senim sharalary jónindegi keńes keńistigindegi lańkestikten týatyn qaýiptiń aldyn alatyn usynystar ázirleýge negiz bola alady.

Sonymen qatar, Memleket basshysy Keńestiń barlyq mańyzdy baǵyttary boıynsha qatysýshy elderdiń naqty is-qımyldaryn keńeıtýdiń ózektiligin atap ótip, jobalar men Forýmnyń basqa da jumystaryn qarjylandyratyn arnaıy qor qurýdy usyndy. Qazaqstan Prezıdentiniń pikirinshe, Qor Azııadaǵy ózara is-qımyl jáne senim sharalary jónindegi keńestiń Іskerlik keńesiniń jumysyn qosymsha yntalandyrýǵa jáne Keńeske qatysýshy barlyq memlekettiń ekonomıkalyq ıgilikterine tyń serpin beredi.

Qasym-Jomart Toqaev is-qımyldardyń taǵy bir ózekti salasy retinde Keńestiń barlyq ólshemdegi jumystaryn sapaly sarapshylyq súıemeldeýdi jolǵa qoıýdy atady.

- Turaqty jumys isteıtin dıalogty platformany qaıta qurý arqyly Azııadaǵy ózara is-qımyl jáne senim sharalary jónindegi keńestiń taldaý ortalyqtarynyń áleýetin arttyrǵan jón. Keńestiń jumys organdaryna arnalǵan usynystardy jandandyrýǵa múmkindik beretin Ǵulamalar keńesin qurý máselesin ýaqtyly ári jan-jaqty zertteý kerek dep esepteımiz, - dedi Qazaqstan Prezıdenti.

Sońynda Memleket basshysy joǵaryda usynylǵan bastamalardyń júzege asyrylýy Keńeske múshe-memleketterdiń yntymaqtastyǵyn sapaly jańa deńgeıge kóteretinin jáne Qazaqstannyń qatysýshy barlyq memlekettiń múddeleri úshin Azııadaǵy ózara is-qımyl jáne senim sharalary jónindegi keńes aıasyndaǵy tolyq qandy is-qımyldarǵa daıyn ekenin atap ótti.

Azııadaǵy ózara is-qımyl jáne senim sharalary jónindegi keńeske qatysýshy memleketter basshylarynyń Besinshi otyrysynyń qorytyndysy boıynsha tıisti deklaratsııa qabyldandy.


Memleket basshysy AÓSShK sammıtine qatysty

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT