+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Memleket basshysy «Altyn sapa» men «Paryz» baıqaýlarynyń úzdikterin marapattady

2019 jylǵy 13 jeltoqsan 12:51
Bólisińiz:
Memleket basshysy «Altyn sapa»  men «Paryz» baıqaýlarynyń úzdikterin marapattady

NUR-SULTAN. QazAqparat – QR Prezıdenti Qasym-Jomart Toqaev bıznestiń áleýmettik jaýapkershiligi jónindegi «Paryz» respýblıkalyq konkýrsynyń bas júldesin tabystady, dep habarlaıdy QazAqparat tilshisi.

«Búgingi marapat – sizderdiń eńbekterińizge memleket tarapynan berilgen joǵary baǵa. Osyndaı ıgi bastama elimizdegi kásiporyndardy damytýǵa erekshe serpin beretini anyq, sondaı-aq otandyq ónim óndirýshilerdi zor jetistikterge yntandandyrady dep senemiz. «Paryz», «Alyn sapa» jáne «Qazaqstannyń úzdik taýary» ulttyq konkýrs jeńimpazdaryn shyn júrekten quttyqtaıtamyn», - dedi Memleket basshysy.

Sonymen, «Paryz» baıqaýynyń gran-prı ıegeri retinde «Eýrazııalyq top» tanyldy. Munymen qosa, «Paryz» baıqaýynyń «Úzdik áleýmettik jaýapty kásiporyn» atalymynda altyn júldeniń jeńimpazy retinde Qyzylorda oblysyndaǵy «Abzal ı K» kompanııasy marapattaldy.

Budan bólek, Prezıdent Qasym-Jomart Toqaevtyń qolynan «Altyn Sapa» syılyǵynyń «Úzdik ındýstrııalyq joba» arnaıy syılyǵy boıynsha Qaraǵandy oblysyndaǵy «Bemer Armatýra» JShS marapat aldy. Sonymen qatar, «Úzdik ınnovatsııalyq joba» arnaıy syılyǵynda Qyzylorda oblysyndaǵy «SKZ-U» JShS jeńimpaz boldy.

Aıta keteıik, «Úzdik áleýmettik jaýapty kásiporyn», «Eńbekti qorǵaý salasyndaǵy úzdik kásiporyn», «Úzdik ujymdyq shart» jáne «Qorshaǵan ortaǵa qosqan úlesi úshin» 4 nomınatsııadan turatyn «Paryz» baıqaýyn QR Eńbek jáne halyqty áleýmettik qorǵaý mınıstrligi 2008 jyldan beri ótkizip keledi. Ár nomınatsııa úshin iri, kishi jáne orta kásipkerlik sýbektileri sanattary boıynsha úsh nomınatsııa beriledi.

Aǵymdaǵy jyly konkýrsqa qatysýǵa 446 ótinim kelip tústi, onyń ishinde: 141 kásiporyn – iri kásipkerlik sýbektileri bolsa, 305 kásiporyn – shaǵyn jáne orta bıznes sýbektileri.

Búgin túske deıin Asqar Mamın «Paryz» bıznestiń áleýmettik jaýapkershiligi boıynsha jyl saıynǵy baıqaýynyń jeńimpazdaryna qurmet kórsetti.

Osy oraıda «Eńbekti qorǵaý salasyndaǵy úzdik kásiporyn» atalymynda iri kásipkerlik sýbektileri arasynda S.M. Kırov atyndaǵy «Mashına jasaý zaýyty» AQ, «Úzdik ujymdyq shart» atalymynda «AqsaıGazServıs» AQ, sondaı-aq «Qorshaǵan ortaǵa qosqan úlesi úshin» atalymy boıynsha «Baıken-U» JShS irikteldi.

Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT