Memleket basshysy  Altaı Kólginovke tapsyrma berdi
2022 jylǵy 22 maýsym 14:47

Memleket basshysy Altaı Kólginovke tapsyrma berdi

NUR-SULTAN. QazAqparat - Memleket basshysy Qasym-Jomart Toqaev Nur-Sultan qalasynyń ákimi Altaı Kólginovti qabyldady, dep habarlaıdy Aqorda.

Qasym-Jomart Toqaevqa birinshi jartyjyldyqtyń qorytyndysy boıynsha elordanyń áleýmettik-ekonomıkalyq jáne ınfraqurylymdyq damýy týraly aqparat berildi.

Prezıdentke kezekte turǵan azamattar úshin qoljetimdi turǵyn úı qurylysyn ulǵaıtý, jańa mektepter salý arqyly úsh aýysymdy oqý problemasyn sheshý, avtomobıl kópirleri men joldar salý, úlestik qurylys nysandaryn aıaqtaý, gaz tartý máselesi, turǵyn-úı alaptaryn damytý, jeke ınvestıtsııalar tartý jóninde baıandaldy.

Altaı Kólginov sorǵy-súzý stantsııasynyń (SSS-3) qurylysy týraly aqparat berdi. Qazir qalamyz táýligine 300 myń tekshe metr sý tutynady, al SSS-3 iske qosylsa táýligine 100 myń tekshe metrden astam qosymsha sý beredi.

Qala ákiminiń aıtýynsha, jylýmen jabdyqtaý qýatyn arttyrý úshin JEO-3 qurylysy, gaz qazandyqtaryn jobalaý jumysy júrip jatyr. Gaz qazandyqtary iske qosylǵanda JEO-3 qýaty 3 eseden de asatyn bolady. Bul qurylysy júrip jatqan bolashaq aýdandardy jylýmen qamtýǵa múmkindik beredi. Sonymen qatar káriz tazartý qurylystaryn jobalaý (KTQ-2), ınjenerlik jelilerdi jańǵyrtý, qosalqy elektr stantsııalaryn jańalaý jumystary júrip jatyr.

Prezıdentke qalany abattandyrý boıynsha júrgizilip jatqan jumystar týraly málimet berildi. Bıyl elordada taǵy 200-den asa aýla men qoǵamdyq demalys oryndary jańartylady.

Memleket basshysy jalpy ákimdik júrgizip jatqan jumystardy qoldady. Altaı Kólginovke elordanyń ınfraqurylymyn damytyp, abattandyrý jumystaryn jalǵastyrýdy, qala turǵyndarynyń túıtkildi máselelerin sheshýdi tapsyrdy.


Seriktester jańalyqtary

Jańalyqtar

Úrdis

MURAǴAT