+7 (701) 759 90 19
USD 387.14 EUR 428.18
RUB 6.06 CNY 55.23
Jańalyqtar

Memleket basshysy AQSh-tyń saıası jáne sarapshy top ókilderimen kezdesý ótkizdi

2019 jylǵy 23 qyrkúıek 20:10
Bólisińiz:
Memleket basshysy AQSh-tyń saıası jáne sarapshy top ókilderimen kezdesý ótkizdi

NUR-SULTAN. QazAqparat - Qazaqstan Prezıdenti Qasym-Jomart Toqaevtyń Nıý-Iorkke sapary AQSh-taǵy yqpaldy taldaý ortalyǵy sanalatyn «Atlantic Council» («Atlantıkalyq keńes») uıymynyń qoldaýymen uıymdastyrylǵan belgili amerıkalyq saıasatkerlermen jáne sarapshylar qaýymdastyǵynyń ókilderimen kezdesýmen bastaldy.

Uqsas jańalyqtar
Qasym-Jomart Toqaev QHR iskerlik orta ókilderimen kezdesti Toqaev: Іshki naryq munaımen Aqtóbe, Qyzylorda oblystary esebinen qamtamasyz etilýde

Bul týraly Aqordanyń baspasóz qyzmeti habarlaıdy.

Kezdesý barysynda Memleket basshysy Qazaqstan-Amerıka qarym-qatynastarynyń qazirgi jaı-kúıi men damý perspektıvalary, syrtqy saıasattyń negizgi basymdyqtary, Qazaqstannyń saýda-ekonomıkalyq jáne ınvestıtsııalyq áleýeti týraly egjeı-tegjeıli baıandady

Qasym-Jomart Toqaev AQSh-pen yntymaqtastyqty arttyrý Qazaqstan úshin asa mańyzdy ekenin atap ótti.

– Biz Tuńǵysh Prezıdent Nursultan Nazarbaevtyń 2018 jyldyń qańtar aıynda AQSh-qa jasaǵan resmı sapary barysynda qol jetkizgen kelisimderiniń júzege asyrylýyna erekshe mán beremiz. Bul sapar eki el arasyndaǵy keń aýqymdy strategııalyq áriptestiktiń negizin qalady, – dep atap ótti Qazaqstan Prezıdenti.


Memleket basshysy AQSh-tyń Qazaqstan ekonomıkasynyń iri ınvestorlarynyń biri ekenin eske saldy. Búginde amerıkalyq ınvestıtsııanyń jalpy kólemi 45 mlrd dollardan asqan.

Sondaı-aq, Qasym-Jomart Toqaev amerıkalyq áriptesterge energetıkalyq saladaǵy birqatar birlesken jobalardyń tabysty júzege asqany týraly habardar etti. Sonymen qatar, aýyl sharýashylyǵy jáne joǵary tehnologııa salalary boıynsha ózara is-qımyldy arttyrý úshin jańa múmkindikterdiń bar ekenine nazar aýdardy.


Prezıdenttiń aıtýynsha, Qazaqstan aldaǵy ýaqytta da amerıkalyq bıznes ókilderimen uzaq merzimdi ekonomıkalyq baılanystardy nyǵaıtýǵa nıetti.

Óz kezeginde amerıkalyq áriptester ekijaqty yntymaqtastyq deńgeıin joǵary baǵalap, Qazaqstanmen ózara tıimdi strategııalyq yntymaqtastyqty odan ári nyǵaıtýdyń áleýeti zor ekenin atap ótti.

***

1961 jyly qurylǵan «Atlantıkalyq keńes» AQSh-tyń jetekshi saraptamalyq jáne ǵylymı ortalyqtarynyń biri sanalady. Keńes transatlantıkalyq baılanystar, ıntegratsııalyq protsester, qaýipsizdik jáne qorshaǵan orta máselelerin zertteýmen aınalysady.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT